Qaraǵandy oblysynyń kásipkerler palatasy «Ónerkásip» aqparattyq júıesin qurmaq
QARAǴANDY. QazAqparat - Qaraǵandy oblysynyń kásipkerler palatasy «Ónerkásip» memlekettik aqparattyq júıesin qurý boıynsha jumys júrgizýde, dep habarlaıdy QazAqparat tilshisi.
Palata dırektory Ernar Kúlpeıisovtyń aıtýynsha, kásiporyndardan jınalǵan statıstıkalyq málimetter men basqa da aqparattar taldanatyn bolady. Aldaǵy ýaqytta bul bılikke bıznes úshin mańyzdy sheshimder qabyldaýǵa kómektesedi. Oblystyń árbir aýdanynda bıznes ashý jóninde naqty usynystar ázirlenetin bolady.
Jańa aqparattyq-taldaý júıesin qurý týraly Ernar Kúlpeısov otandyq taýar óndirýshilerdi memlekettik qoldaý quraldaryn túsindirý jónindegi semınarda aıtyp berdi.
«Joba memlekettik qoldaý sharalarynyń tıimdiligine, óndiristerdiń júktelýine monıtorıng júrgizýge arnalǵan. Ol kooperatsııa jáne ónimdi ótkizýdi keńeıtý maqsatynda kásiporyndar úshin kontragentterdi izdeýge kómektesedi. Birinshi kezeńde eldiń 2 000-nan astam óńdeýshi kásiporyndaryn qamtý josparlanyp otyr, onyń 354-i Qaraǵandy oblysynda. Olardyń ishinde qurylys ındýstrııasy, mashına jasaý, hımııa, farmatsevtıka, tamaq, jeńil ónerkásip bar. Osy joba aıasynda sondaı-aq jaqyn aradaǵy memleketterdiń, biraq ázirge tek Reseı Federatsııasynyń Memlekettik satyp alý elektrondyq júıelerine bıznesmenderdiń qol jetkizýin uıymdastyrý josparlanýda», - deıdi Ernar Kúlpeısov.
Aqparattyq júıeniń jumysymen myna silteme boıynsha tanysýǵa bolady.
