Qaraǵandy oblysynyń qandaı aýyldardynda bıyl joldar jóndeledi

QARAǴANDY. QazAqparat – Bıyl Qaraǵandy oblysynyń Nura aýdanyndaǵy segiz aýylda joldar jóndeledi. Sonymen qatar sý qubyry jelileri salynady, dep habarlaıdy QazAqparat tilshisi.

Nura aýdanynda «Aýyl - El besigi» jobasy aıasynda 2023 jyly Egindi, Baıtýǵan, Ahmet, Kóbeteı, Zarechnoe, Tassýat, Myńbaev jáne Alǵabas aýyldarynyń oramishilik joldaryna ortasha jóndeý júrgiziledi. Eki aýylda sý qubyry jelileri salynady.

«Memleket basshysynyń sapaly halyqty aýyzsýmen júz paıyz qamtamasyz etý jónindegi tapsyrmasy mańyzdy mindet bolyp tabylady. 2022 jyly ortalyqtandyrylǵan sýmen jabdyqtaýǵa qol jetkizý 94,6% qurady. 2025 jylǵa deıin 98% jetkizý josparlanyp otyr. Bıyl Jaraspaı jáne Qulanótpes aýyldarynda sý qubyry jelileri salynady. Sondaı-aq Іzendi aýylynda sý qubyry jelilerin salý máselesi sheshiletin bolady», - dedi Nura aýdanynyń ákimi Baqytjan Muqanov Óńirlik kommýnıkatsııalar qyzmetinde ótken brıfıngide.

Ol aýdanda turǵyn úı qurylysy, áleýmettik ınfraqurylymdy damytý jáne eldi mekenderdi abattandyrý jalǵasatynyn atap ótti.

«Aýyl - El besigi» jobasy boıynsha Baıtýǵan jáne Zarechnoe aýyldarynda feldsherlik-akýsherlik pýnkterdiń qurylysy júrip jatyr. Qurylys-montaj jumystaryn bıyl aıaqtaý josparlanýda.