Qaraǵandy oblysynyń eldi mekenderi kóktemgi sý tasqynynan qorǵalǵan
ASTANA. QazAqparat - Qaraǵandy oblysynda sý shaıyp ketý qaýipi joǵary barlyq eldi mekenderde sý tasqynynan qorǵaý boıynsha baǵytty sharalar qabyldandy, dep habarlaıdy QazAqparat ákimniń saıtyna silteme jasap.
Bul týraly aımaq basshysy Erlan Qoshanov halyq aldyndaǵy eseptik kezdesýinde málimdedi.
«Biz qaı eldi mekenderde sý shaıyp ketý qaýipteri joǵary ekenin bilemiz. Olardyń sany 31. Olardyń barlyǵy boıynsha naqty jumystar atqaryldy. Atalmysh eldi mekender janynda 42 shaqyrym qorǵanys qurylymdary quryldy. Bógetterdiń 11 shaqyrymyna jóndeý jumystary jasaldy, tasqyn sý qaýipi bar ózender arnasynyń 7 shaqyrymnan astamy tazartyldy»,-dedi Erlan Qoshanov.
2017 jyly gırotehnıkalyq qurylymdardy jóndeýge jumsalǵan shyǵyndar kólemi 70% artty.
«Biz bárimiz - jergilikti basshylyq, jedel qyzmetter kóktemgi sý tasqyny aýyr zardaptarsyz ótýi úshin jumystar atqaryp jatyrmyz»,-dep túıindedi oblys ákimi. 
