Qaraǵandy oblysynyń dərigerleri esirtkilik preparattardy zańsyz taǵaıyndap kelgen
ASTANA. QazAqparat - Qaraǵandy oblysynda quramynda esirtki zaty bar preparattarǵa retseptilerdi zańsyz berý faktileri anyqtaldy, dep habarlaıdy QazAqparat oblystyq ІІD baspasóz qyzmetine silteme jasap.
26-30 naýryz aralyǵynda «Dopıng» jedel-aldyn alý sharasy ótti. Esirtkilik jáne júıkege əser etetin zattar men prekýrsorlarmen aınalysýǵa lıtsenzııasy bar 17 nysan tekserilip, 37 zań buzý deregi anyqtaldy.
27 naýryzda Qaraǵandy jáne Temirtaý qalalarynda júrgizilgen reıdter kezinde júıkege áser etetin zattardy alýǵa quqyq beretin qujattardyń bolmaýy jáne zańsyz retsept berý faktileri anyqtaldy. Osy faktiler boıynsha QR Ákimshilik quqyqbuzýshylyq týraly kodeksiniń 322-babyna sáıkes is qozǵaldy. Shara barysynda osyndaı taǵy úsh derek anyqtaldy.
30 naýryz kúni Sátbaev qalasyndaǵy dárihanalardyń birinde 10 dana «T» dárilik quralynyń retseptisin berý faktisi anyqtaldy. Preparatty esirtkige táýeldi adamdar qabyldaıdy. Osy fakti boıynsha materıaldar mekeme basshysyn ákimshilik jaýapqa tartý úshin Qaraǵandy oblysynyń Qoǵamdyq densaýlyqty saqtaý departamentine jiberildi.
Budan bólek, QR QK 296-baby boıynsha esirtki zattarynyń zańsyz aınalymyna baılanysty 11 zańbuzýshylyq anyqtalyp, osy is boıynsha ustalǵandarǵa qatysty sotqa deıingi tergep-tekserý júrip jatyr.
