Qaraǵandy oblysynyń bıýdjeti Ulytaý oblysynyń qurylýynan qanshaǵa azaıady

NUR-SULTAN. QazAqparat –Ulytaý oblysynyń qurylýyna baılanysty Qaraǵandy oblysynyń jyldyq bıýdjeti 25 paıyzǵa azaıýy múmkin. Mundaı boljamdy Qaraǵandy óńiriniń ákimi Jeńis Qasymbek málim etti, dep habarlaıdy QazAqparat tilshisi.

«Jańadan qurylǵan Ulytaý oblysyna buryn bizdiń óńirdiń qaramaǵynda bolǵan aımaqtardyń halqy qosyldy. ıAǵnı, Qaraǵandy oblysynyń shamamen 20 paıyz turǵyny jańa oblysqa ótti. Osyǵan baılanysty jyldyq bıýdjet 25 paıyzǵa azaıýy múmkin», - dep atap ótti Jeńis Qasymbek búgin Ortalyq kommýnıkatsııalar qyzmetinde ótken baspasóz máslıhatynda.

Ákimniń málimetinshe, Qaraǵandy oblysynyń jyldyq bıýdjeti 500 mlrd teńgeden astam. Salyqtar men tólemderden túsetin qarjy – 150 mlrd teńge. Óńir bıýdjetindegi «ArselorMıttal» men «Kazakhmys» kásiporyndarynyń úlesi – 21 paıyz.