Qaraǵandy oblysynyń burynǵy ákimi Ábdishev memleketke zııan keltirgen joq
QARAǴANDY. QazAqparat - Qaraǵandyda qalalyq mádenıet, demalys saıabaqtary, skverleri basqarmasynyń sybaılas jemqorlyq isi boıynsha sottalǵan oblystyń burynǵy ákimi jáne onyń eki sybaılasynan shyǵynnyń ornyn toltyrý týraly azamattyq talaparyzy oryndalmady, dep habarlady «QazAqparat» HAA tilshisi.
«Qaraǵandy qalasy Qazybek bı aýdanynyń №2 aýdandyq soty Qaraǵandy qalasy mádenıet, demalys saıabaqtary, skverleri basqarmasy» KMK-nyń 3 636 000 teńge óndirip alý týraly B.T. Ábdishevke, M.E. Adambekovke, A.G. Jákenovke talaparyzy boıynsha azamattyq is qaraldy. Tolyq kólemde talaparyz qanaǵattandyrýdan bas tartyldy», - dep habarlady aýdandyq sot baspasóz qyzmetinen.
Tóraǵalyq etýshi sýdıa jaýapkerdiń qoldaýhaty boıynsha talqylaý barysynda sot-taýartanýshylyq saraptama taǵaıyndady. «Saraptama nátıjesi boıynsha memleketke shyǵyn keltirilgeni belgilengen joq», - dep atap ótti aýdandyq sotta.
Aryz berýshiniń nusqasy boıynsha, memleketke «EýrostandartQaraǵandy» JShS jetkizýshileri aıaqjol plıtasyna baǵany negizsiz kóterý arqyly materıaldyq shyǵyn keltirgen. Qylmystyq iste B. Ábdishevke qyrly kespe tastar óndiretin zaýyt oǵan tıesili bolǵan degen aıyp taǵyldy.
Sot sheshimi zańdy kúshine engen joq. Apellıatsııalyq satyda shaǵymdanýǵa, narazylyq bildirýge bolady.
Budan buryn habarlanǵandaı, sybaılas jemqorlyq úshin sottalǵan B. Ábdishev maýsym basynda shartty merzimge bosatylǵany habarlanǵan. Bul rette sot 1 jyl 4 aı 4 kún ótelmegen merzimine probatsııalyq baqylaý belgilegen.
