Qaraǵandy oblysynyń birneshe kentinde TJ rejımi saqtalýda
QARAǴANDY. QazAqparat – Qaraǵandy oblysynyń birneshe aýylynda Tótenshe jaǵdaı rejımi saqtalýda, dep habarlaıdy QazAqparat tilshisi.
Osakarov aýdanynyń birneshe kentinde TJ rejımi 2020 jyldyń 17 qańtarynan bastap engizilgen bolatyn. Osy sheshimdi jergilikti bılik qardyń shekten tys jaýýyna baılanysty qabyldady. Qalyń qar joldardyń jabylýyna alyp keldi, nátıjesinde ondaǵan avtokólik júrgizýshileri, júk kólikteri, jolaýshylar aýdan kentterinde ornalastylyrǵan. Jarııalanǵan tótenshe jaǵdaı rejımi adamdardy tamaqpen, jyly zattarmen qamtamasyz etip, jylyndyrý maqsatynda engizilgen.
«Qazirgi ýaqytta TJ rejımi osyǵan deıin jarııalanǵan Saryózek, Qaraǵaıly, Suńqar, Pıoner, Ozernyı, Nıkolaev, Telman, Qundyzdy aýyldyq okrýgteri, sondaı-aq Osakarov jáne Molodejnyı kentteri sııaqty eldi mekenderde áli de saqtalýda», - dedi Osakarov aýdanynyń ákiminiń baspasóz qyzmeti.
Tótenshe jaǵdaı rejımi tek atalǵan kentter men aýyldyq okrýgterde ǵana qarastyrylýda. Qalǵan eldi mekenderge TJ rejımi qoldanylmaıdy.
