Qaraǵandy oblysynyń birneshe eldi mekeninde tótenshe jaǵdaı jarııalandy
NUR-SULTAN. QazAqparat – Qaraǵandy oblysynyń keıbir kentteri men aýyldyq okrýgterinde tótenshe jaǵdaı jarııalandy. Bul jaıynda QR ІІM baspasóz qyzmetinen málim etti, dep habarlaıdy QazAqparat tilshisi.
QR ІІM TJK Daǵdarys jaǵdaılarynda basqarý ortalyǵynyń habarlaýynsha, kúrdeli meteorologııalyq jaǵdaıǵa baılanysty Qaraǵandy oblysynyń Osakarov aýdany ákiminiń sheshimimen Osakarovka, Molodejnyı eldi mekenderi men Saryózek, Qaraǵaıly, Suńqar, Pıonerskıı, Ozernyı, Nıkolaevskıı, Telman, Qundyzdy kentteri aýmaǵynda jergilikti aýqymdaǵy tabıǵı sıpattaǵy tótenshe jaǵdaı jarııalandy.
