Qaraǵandy oblysynyń bir aýdanynda pandemııa bastalǵaly 2,5 myńdaı adam KVI juqtyrǵan
NUR-SULTAN. QazAqparat - Qaraǵandy qalasynyń Qazybek bı aýdanynda pandemııa bastalǵan kezeńnen bastap COVID-19 juqtyrýdyń 2 416 jaǵdaıy tirkeldi. 100 myń turǵynǵa shaqqanda syrqattanýshylyq kórsetkishi 726,7 qurady, dep habarlaıdy QazAqparat tilshisi.
Vedomstvoaralyq komıssııanyń deregine saı, s yrqattaný derekterine jasalǵan taldaýǵa nátıjesinde:
- juqtyrǵandardyń 38% indetti buryn naýqastanǵan otbasy múshelerinen juqtyrǵan, munyń ózi úı karantıni talaptarynyń saqtalmaǵanyn kórsetip otyr;
- naýqastardyń 35% indetti adamdardyń jappaı jınalatyn qoǵamdyq oryndarda, onyń ishinde qoǵamdyq kólikte juqtyrǵan;
- 18% betperde rejımin buzýmen baılanysty;
- 5% jumys barysyndaǵy baılanystardan oryn alǵan, munyń ózi jumys oryndarynda aýrýdyń aldyn alý sharalaryn saqtamaýmen jáne uıymdar men kásiporyn basshylyǵy tarapynan sharalardyń saqtalýyna tıisti deńgeıde baqylaý júrgizilmeýin kórsetip otyr;
- 4% koronavırýs ınfektsııasyn basqa aýmaqtardan ákelingen jaǵdaılar.
Oqý jyly basynan offlaın oqytylatyn aýdan oqýshylary arasynda aýrýdyń 21 jaǵdaıy tirkelgen, 35 naýqas oqýshylar qashyqtyqtan oqytylady. Syrqattanýshylyq qurylymynda eresekter 84% qurap otyr, onyń ishinde 16% zeınetkerler.
