Qaraǵandy oblysynyń Bilim basqarmasy balalar men ata-analarǵa arnalǵan baıqaý jarııalady

Saıysqa kim qatysa alady?
1 jastan 6 jasqa deıingi balalar jáne olardyń ata-analary (ájeler, atalar, táteler, aǵalar, iniler, apa-sińliler).

Ne isteý kerek:
Eresek pen balanyń ortaq shyǵarmashylyq ispen aınalysý sáttegi 1 -2 mınýtqa deıingi beınerolıkti túsirip,Instagram-da @karagandyoblysybilimbaskarmasy @saryarkadaryny.kz paraqshalaryn belgileı otyra, nomınatsııanyń ataýy, balanyń aty-jóni, qalasy kórsetilgen beıne sıpattama jasaý qajet.

Qandaı nomınatsııalar qarastyrylǵan?
1. «Otbasylyq qundylyqtar». Munda barlyq otbasy músheleriniń nemese onyń kóp bóliginiń qatysýymen otbasy ómiriniń kez kelgen sátterin kórsetýge bolady. Balaǵa qandaı dástúrler úıretiledi? Olar neni kózdeıdi? Otbasylyq dástúr qandaı qasıetterge úıretedi?

2. «Bizdiń qamal». Bala men ata-ana qolda bar quraldar men materıaldardan qamal salady. Bala óz áserlerimen bólisedi, oǵan qurylys protsesinde ne unaǵany jáne ol óz bekinisin ne úshin salǵany týraly aıtady.

3. «Kishkentaı dáriger». Bala dáriger retinde, al ata-analar patsıentterdiń rólin atqarady nemese kerisinshe. Balanyń qııalyna erik berińiz jáne siz bir mınýt ishinde «oıynshyq» shanshýmen emdelip, «óz kishkentaı dárigerińizdiń»senimdi qolynda bola alatyndyǵyńyzdy kóresiz.

4. «Kishkentaı aspaz». Ana nemese áke balany ártúrli taǵamdardy daıyndaýǵa tarta alady. Bul qyzyqty sabaqty balamen beınege túsirińiz. Árıne, naǵyz aspazdyq shedevr jasaý úshin talant pen bilimge ıe bolý kerek! Al bul týraly daıyndaý barysynda aıtýǵa bolady.

5. «Kishkentaı stılıst». Bul baǵytta bala ózin sándi stılıst retinde sezinýi kerek. Oǵan sándi obraz jasaýǵa kómektesińiz. Shyǵarmashylyq nátıjelerin beınematerıalda kórsete bilińiz.

6. «Qaldyqtan kiriske». Eresekter men balalar kez-kelgen nárseden, tipti qaldyqtardan biregeı zattar jasaı alady. Balalarmen ǵajaıyp zattar jasańyz. Nátıjeler tań qaldyrady dep oılaımyz.

7. «Sporttyq otbasy». Óz balańyzben sportpen shuǵyldanýdy beınege túsirińiz. Ol salaýatty ómir salty degen neni bildiretinin aıtyp, kórsetsin.

8. «Meniń otbasym – meniń baılyǵym». Bul nomınatsııada árbir qatysýshy otbasy muraǵatynan qyzyqty fotosyn kórsetip, otbasy urpaqtarynyń sabaqtastyǵy týraly aıtyp berýi tıis.

Beıne talaptary qandaı?
- beıne sapasy jaqsy, bógde dybyssyz jáne oń áserli bolý qajet; - - jazý barysynda beıne sýbtıtrlermen nemese dybystyq súıemeldeýmen toltyrylý qajet;
- qosymsha dybys jáne basqa áserler quptalady.

Baǵalaý krıterııleri:

- mazmundylyǵy;
- kreatıvtilik;
- otbasylyq qundylyqtardy kórsetý.

Sharty:

qatysýshylar óz Instagram paraqshalarynda #otbasylyqkúnder #bizúıdemiz heshtegterin qoıyp vıdeo jarııalaý kerek.

Baıqaýdyń qorytyndysy onlaın rejımde ashyq daýys jınaý arqyly ótedi.

Jeńimpazdar dıplomdar men syılyq sertıfıkattaryn alady.