Qaraǵandy oblysynyń barlyq qalalarynda 27 qańtar kúni sabaq bolmaıdy
QARAǴANDY. QazAqparat - 27 qańtarda Qaraǵandy oblysynyń barlyq jalpy bilim beretin mektepterinde aýa raıynyń qolaısyzdyǵyna baılanysty sabaq bolmaıdy, dep habarlaıdy «QazAqparat» HAA tilshisi.
«Aýa temperatýrasy -33-35 gradýsqa deıin sýytyp, jeldiń jyldamdyǵy sekýndyna 9-14 metr bolady dep kútilip otyr. 0-11 synyp aralyǵyndaǵy jáne ekinshi aýysymda oqıtyn oqýshylardyń barlyǵy sabaqtan bosatylady», - dep habarlaıdy Qaraǵandy oblystyq bilim basqarmasynan.
Sonymen qatar, Balqash, Jezqazǵan, Sátpaev, Qarajal, Prıozersk, Temirtaý qalalarynda jáne taǵy basqa aýdandarda sabaq bolmaıdy.
Qaraǵandy oblysynyń bilim basqarmasy oblysqa qarasty barlyq qalalar men aýdandarda oqýdyń toqtatylatyny týraly biryńǵaı buıryqtyń joq ekenin eskertedi. Bilim bólimderiniń basshylary aýa temperatýrasyna qaraı sheshim qabyldaıdy.
