Qaraǵandy oblysynyń Balqash qalasynda qatań shekteýler alynyp tastaldy
Esterińizge sala keteıik, Balqash qalasynyń aýmaǵynda koronavırýs ınfektsııasynyń tirkeý jaǵdaılarynyń kóbeıýine baılanysty 24 qazan saǵat 00.00-den bastap karantındik shekteýler kúsheıtilgen bolatyn.
Qaýlyǵa sáıkes kelesi shekteýler engizilgen edi:
1. 65 jastan asqan adamdarǵa kóshege shyǵýdy shekteý.
2. Kámeletke tolmaǵan balalardyń eresekterdiń qaraýynsyz júrýine tyıym salý.
3. Jappaı jınalatyn oryndar: gúlzarlar, saıabaqtar, jaǵalaýlar men úılerdiń aýlalaryndaǵy balalar alańdary jabylýy.
4. Zeınetkerler men múmkindigi shekteýli adamdarǵa kómek kórsetý boıynsha eriktilerdiń jumysyn jandandyrý (65 jastan asqan adamdarǵa azyq-túlik, dári-dármek jetkizýge, zeınetaqy alýǵa jáne t.b. kómek).
5. Buqaralyq aqparat quraldarynda eriktilerdiń telefondaryn, jetkizý qyzmetterin jarııalaý.
6. Ónerkásiptik kásiporyndarǵa jumysshylardy jetkizetin qoǵamdyq kólikterdi qospaǵanda, qala boıynsha qoǵamdyq kólikterdiń qozǵalysyn shekteý;
7. Balqash stantsııasyn, Qońyrat shaǵyn aýdanyn qosa alǵanda, qala aýmaǵynda jeke avtokóliktiń barlyq túrlerine saǵat 22.00-den 05.00-ge deıin júrýge tyıym salý. Quqyq qorǵaý, arnaýly qyzmetter men medıtsınalyq memlekettik organdar men uıymdardy qospaǵanda;
8. Qoǵamdyq tamaqtaný obektilerine: obektilerdiń jumys ýaqytyn saǵat 22.00-ge deıin shekteý.
9. Azyq-túlik saýda obektilerine: obektilerdiń jumysyn saǵat 22.00-ge deıin shekteý.
10. Qyzmet kórsetý salasyndaǵy obektilerge: shashtarazdar, sulýlyq salondary, monshalar, saýnalar. Qyzmet kórsetýdi aldyn ala jazylý boıynsha qatań júzege asyrý, bul rette dezınfektsııalyq is-sharalardy júrgizýdi eskere otyryp, kelýshiler arasyndaǵy aralyqty saqtaý qajet.
11. Kásipkerlik sýbektilerine: obektige kelýshilerdi betperdesiz jáne kataraldy qubylystarmen (jótel, murynnyń bitelýi, temperatýra) jibermeýge mindetti.
12. Qalada polıtsııa bólimi men áskerı polıtsııa kúshterimen táýlik boıy patrýldeý uıymdastyrý, 3 adamnan artyq adamdardyń jınalýyna jol bermeý.
13. Balqash qalasynyń aýmaǵynda ornalasqan áskerı bólimder qashyqtaǵy jumys rejımine (qyzmetkerlerdiń keminde 50% - y), onyń ishinde azamattyq personalǵa kóshirý.
Búginnen bastap atalǵan shekteýler alynyp tastaldy. Qala aýmaǵynda búkil oblys boıynsha qarastyrylǵan jalpy shekteýler kúshinde bolady.