Qaraǵandy oblysynyń arnaıy ekonomıkalyq aımaǵynda 22 joba iske asyrylady

QARAǴANDY. QazAqparat – Kelesi jyly Qaraǵandy oblysynda «Saryarqa» arnaıy ekonomıkalyq aımaǵynyń aýmaǵynda birneshe jańa óndiris ashý josparlanýda. Olardyń qatarynda taý-ken salasyna arnalǵan polıetılen qubyrlary men geomembranalar óndirisi bar, dep habarlaıdy QazAqparat tilshisi.

Barlyǵy 22 joba júzege asyrylady. Olardyń barlyǵy ımport almastyrýshy jáne eksportqa baǵdarlanǵan.

Óńirdiń ónerkásiptik áleýeti týraly Óńirlik kommýnıkatsııalar qyzmeti alańynda ótken onlaın-brıfıngide Ónerkásip jáne ındýstrııalyq-ınnovatsııalyq damý basqarmasynyń basshysy Murat Qydyrǵanbekov aıtyp berdi.

«Eger táýelsizdik jyldary óńirdiń ónerkásiptik múmkindikterin qalpyna keltirý mindetteri sheshilse, búginde oblys ekonomıkasyn damytýdyń eń serpindi joldaryn izdestirý júrgizilýde. Bul óndirýden bastap bastapqy jáne qaıtalama óńdeýge deıingi óndiristiń barlyq tsıklin qamtamasyz etý. Oblysta 2021–2025 jyldarǵa arnalǵan 50 ınvestıtsııalyq jobadan pýl quryldy. Olardyń on toǵyzy sheteldik ınvestıtsııalardyń qatysýmen. 12 myńnan astam jańa jumys orny ashylady», – dep atap ótti spıker.

Bıylǵy jylǵy iri jobalardyń ishinde Murat Qydyrǵanbekov Jáırem taý-ken baıytý kombınatynyń polımetall fabrıkasynyń, sondaı-aq Qaz Carbon kompanııasynyń ferroqorytpa zaýyty men kómirdi baıytý fabrıkasynyń, sondaı-aq Forever Fourshing Bolat daıyndamalar óndirý zaýytynyń qurylysyn atap ótti.

Basqarma basshysy «Saran» ındýstrııalyq aımaǵyn damytý áleýeti týraly da málim etti. Oǵan jańa jobalar engizildi – KazIsolation quıý tsehynyń, FERRUM beton prodacts TBB zaýytynyń qurylysy jáne «ELTO energojúıesi» myryshtaý jelisimen metall buıymdaryn óndirý.