Qaraǵandy oblysynyń ákimshilik ortalyǵy jaqyn ýaqytta kóshirilmeıdi
ASTANA. QazAqparat - Qaraǵandy oblysynyń basshylyǵy ákimshilik ortalyqtyń jańa orynǵa kóshirilýi týraly aqparatqa túsinikteme berdi, dep habarlaıdy QazAqparat.
Búgin Astanada Ortalyq kommýnıkatsııalar qyzmetinde ótken baspasóz máslıhatynda Qaraǵandy oblysy ákiminiń orynbasary Jandos Ábishev jańa ákimshilik ortalyq Qaraǵandy qalasynyń Ońtústik-Shyǵys shaǵynaýdanynda ornalasatyndyǵyn habarlady. Aıta keteıik, qazir oblystyq ákimdik Buqar Jyraý dańǵylynda ornalasqan.
«Ákimshilik ortalyqqa keletin bolsaq, Bas jospar boıynsha kóshirý qarastyrylǵan. Biraq bul jaqyn arada bolmaıdy», - dep atap ótti Ábishev tilshilerdiń bergen saýalyna.
Eske salsaq, oblys ortalyǵynyń Bas jospary 2007 jyly bekitilgen. Ol boıynsha Qaraǵandy qalasynyń Ońtústik-Shyǵys shaǵynaýdanynda kóppáterli turǵyn úıler, ákimshilik ǵımarattar, kórme zaldary bar iri kitaphanalar, 5 myń adamǵa arnalǵan kınoteatr salynady. Sonymen qatar munda qarjy dańǵyly salynady. Onyń boıynda bank keńseleri ornalasady dep boljanýda. Taǵy bir kóshe meıramhanalardyń qurylysyna bólinbek. Jekelegen aýdandarda qazir kottedjder salynyp jatyr.
Bunyń aldynda Jandos Ábishev jalǵan lańkestik úshin 2 jylǵa sottalǵan fızıka muǵalimi ıÝrıı Pakti qoldaýǵa arnalǵan sporttyq sharany ótkizýge qatysty máselege túsinik bergen bolatyn.
Buǵan deıin BAQ betterinde, Qaraǵandyda jalǵan lańkestik úshin sottalǵan fızıka pániniń muǵalimi ıÝrıı Pakti qoldaý maqsatynda 9 qazan kúni buqaralyq júgiris uıymdastyrý josparlanǵany habarlandy. Atalǵan sharany ótkizýdi dostary, oqýshylary jáne ata-analary bastama etip kótergen. Aktsııa uıymdastyrýshylary osylaısha ıÝrıı Paktiń kinásizdigin bildirýdi oılastyrǵan.
