Qaraǵandy oblysynyń ákimi zeınetkerlerge jeńildetilgen jol aqysyn qaıtarýdy tapsyrdy
ASTANA. QazAqparat - Qaraǵandy oblysynyń ákimi Erlan Qoshanov zeınetke shyqqan azamattarǵa jeńildetilgen jol aqysyn shekteý máselesine qatysty óz pikirin bildirdi. Aımaq basshysy bul áreketterge jol berilmeýi kerektigin tilge tıek etti, dep habarlaıdy oblystyq ákimdiktiń baspasóz qyzmeti.
«Jeńildetilgen jol júrý bıletterin shekteýge tyıym salý kerek. Bul máseleniń zańdy jaǵyn da qarastyrý qajet. Qaraǵandynyń jolaýshy tasymaldaıtyn mekemeleri óz moıyndaryna mindettemeler alǵan memorandým boldy. Bul rette moraldyq turǵyny da umytpaǵan abzal», - dedi apparattyq jınalys barysynda Erlan Qoshanov.
Ol Qaraǵandy qalasynyń ákimi Nurlan Áýbákirovke búgingi kúnniń sońyna deıin jolaýshy tasymaldaýshylarmen bul máseleniń sheshimin tabýdy tapsyrdy.
Qaraǵandyda zeınetkerler avtobýstar men marshrýttyq taksıde 50 teńge jol aqysyn tólep júretin. 2014 jyly bılik ókilderi men jolaýshy tasymaldaýshylar arasynda qol qoıylǵan memorandýmnyń merzimi aıaqtalýyna baılanysty 22-shi mamyrdan bastap bul jeńildikti shekteý týraly sheshim qabyldandy. Dúısenbiden bastap zeınetkerler jalpyǵa ortaq tarıf boıynsha qoǵamdyq kólikterde 80 teńge tóleýleri tıis edi.
