Qaraǵandy oblysynyń ákimi Prezıdent synyna oraı áreket etýde

QARAǴANDY. 12 qazan. QazAqparat - Búgin 2013 jyddyń 9 aıyndaǵy aımaqtyń áleýmettik-ekonomıkalyq damýynyń qorytyndysy jáne 11 qazanda Úkimettiń keńeıtilgen otyrysynda el Prezıdenti alǵa qoıǵan mindetterdi qaraǵan Qaraǵandy oblysy ákimdiginiń otyrysy ótti.

«Keshegi ótken Úkimet otyrysynda Memleket basshysy Nursultan Nazarbaev eskertýler jasady. Biz birden-bir jáne eń basty mindetti sheshýge barynsha kúsh salýymyz qajet - bul oblys halqynyń barynsha sapaly ómir súrý deńgeıin qamtamasyz etý», - dedi oblys ákimi Baýyrjan Ábdishev.

Ol óńirge qatysty Prezıdent aıtqan syndy ádiletti dep moıyndady.

«9 aıdaǵy áleýmettik-ekonomıkalyq damý kórsetkishi jalpy turaqty jáne jaǵymdy ósimge ıe, ony saqtaý qajet. Sonymen qatar birqatar sheshilýi qajet máseleler bar, olardy sheshý ár memlekettik qyzmetker úshin basym maqsat bolýy qajet», - dep atap ótti oblys ákimi.

Oblys ákiminiń birinshi orynbasary Ǵabıt Muhambetov óz baıandamasynda habarlaǵandaı, 2013 jyldyń 9 aıynda aımaqtaǵy ónerkásip óndirisiniń kólemi 2012 jyldyń sáıkesinshe kezeńindegi naqty kólem 101,5% ındeksimen 1 trln-nan astam teńgeni qurady.

Qazirgi ýaqytta jalpy quny 76 mlrd. teńge turatyn ındýstrııalandyrý kartasynyń 46 jobasy iske qosyldy, 3500-deı jańa jumys orny quryldy, dep eske saldy ol.

«Negizgi kapıtalǵa 288 mlrd. teńge ınvestıtsııalandy, bul ótken jyldyń deńgeıinen 42,6% joǵary. Sonymen qatar 70 mlrd.-tan astam teńge óńdeý salasyn damytýǵa salyndy», - dep aqparattandyrdy oblys ákiminiń birinshi orynbasary.

Esep berý málimetteri boıynsha, 9 aıdyń qorytyndysy boıynsha oblystyń syrtqy saýda kólemi 6,9%, sonyń ishinde eksport kólemi - na 12,8%-ǵa ósti.

Oblysta esep berý kezeńinde 257,6 myń sharshy metr turǵyn úı paıdalanýǵa berildi.

«Memleket basshysy aıtqandaı, biz halyqtyń kóńil-kúıin baqylaýymyz qajet, shaǵymdarǵa jáne kóterilip jatqan sheshilýi tıis máselelerge ýaqytyly áreket etýimiz qajet », - dep atap órsetti B. Ábdishev.

Ákimdik otyrysynyń qorytyndysy boıynsha qaýly qabyldandy.