Qaraǵandy oblysynyń ákimi polıtseılermen jáne áskerı qyzmetshilermen kezdesti

QARAǴANDY. QazAqparat – Qaraǵandy oblysynyń ákimi Jeńis Qasymbek ishki ister organdarynyń qyzmetkerlerimen jáne áskerı qyzmetshilermen kezdesti. Ol el basyna tóngen qıyn ýaqytta úılesimdi jumys atqaryp jatqandary úshin Qazaqstan Prezıdenti Qasym-Jomart Toqaevtyń atynan rızashylyǵyn bildirdi, dep habarlaıdy QazAqparat tilshisi.

«Polıtseıler men áskerı qyzmetshiler úlgili tártip, batyldyq pen uıymshyldyqty kórsetti. Búginde sizder óte jaýapty mindet atqaryp jatyrsyzdar – qoǵamdyq tártipti saqtaýdasyzdar. Biz sizderdi maqtan tutamyz jáne azamattarymyz sizderge senedi!» – dedi Jeńis Qasymbek polıtseıler men áskerı qyzmetshilerge.

Óz kezeginde Qaraǵandy oblysynyń komendanty Erlan Faızýllın Polıtsııa departamentiniń jeke quramy óńirde ári qaraı da tıisti tártipti qamtamasyz etýdi jalǵastyratynyn atap ótti.

«Qurmetti áriptester! Osy kezde biz qıyn jaǵdaıda jumys istep jatyrmyz. Sizder qyzmettik boryshtaryńyzdy oryndaý kezinde tabandylyq kórsettińizder», – dedi Erlan Faızýllın.

Búgingi tańda elde tótenshe jaǵdaı rejımi áli de saqtalyp otyr. Polıtseıler men áskerı qyzmetshiler táýlik boıy jaýyngerlik kezekshilikte bolady.