Qaraǵandy oblysynyń ákimi medıtsına qyzmetkerlerine 1 mln teńgeden syılyq berdi
«Osydan eki jyl buryn áý bastan koronavırýstyq ınfektsııamen kúres maıdanynyń aldyńǵy shebine sizder shyqtyńyzdar, otandastaryńyzdyń densaýlyǵyna qaýip tóngen kezde shette qala almadyńyzdar. Osynyń arqasynda ınfektsııanyń taralý jolyna tosqaýyl qoıa aldyńyzdar. Sanıtar qyzmetkerden bastap kásiporyn basshylaryna deıin demalys degendi umytyp, materıaldyq syıaqy týraly oılamaı, qaýipti aýrýmen kúresýdiń aldyńǵy qatarynda jumys istegenderdiń barlyǵyna alǵys aıtqym keledi», – dedi óńir basshysy Jeńis Qasymbek.
Sondaı-aq, oblys ákimi densaýlyq saqtaý júıesinde oń ózgerister bar ekenin atap ótti. Aýyldyq aýdandardyń turǵyndary úshin joǵary tehnologııalyq medıtsına qoljetimdi boldy, gemodıalız bólimsheleriniń, ońaltý ortalyqtarynyń, kompıýterlik jáne magnıttik-rezonanstyq tomografııa kabınetteriniń geografııasy keńeıýde. Bıyl kompıýterlik tomograftar Qarqaraly, Osakarov jáne Jańaarqa aýdandarynda ornatylady. Sırek aýrýlary bar naýqastar ómirlik mańyzdy preparattardy tegin alady. Oblys qalalarynda otbasylyq densaýlyq ortalyqtary ashylýda, aýyldyq jerlerde 10 FAP qurylysy bastaldy. Sońǵy 5 jylda jas dárigerler 300-den astam jaıly páter aldy.
Qaraǵandy oblysy ákimi syılyǵynyń laýreattary:
- «Úzdik akýsher-gınekolog» – Lıýbov Devıatyh, Saran qalasy Ortalyq aýrýhanasynyń akýsherııa jáne gınekologııa bólimshesiniń akýsher-gınekology;
- «Jalpy praktıkanyń úzdik dárigeri» – Záýresh Ospanova, Qaraǵandy qalasynyń № 5 emhanasynyń jalpy praktıka dárigeri;
- Ferýza Janpeısova, «Bekseıtova» JShS jalpy praktıka dárigeri;
- «Úzdik pedıatr» – Natalıa Dýbanevıch, Shahtınsk qalasy emhanasynyń pedıatrııa bóliminiń meńgerýshisi;
- Janat Kópeeva, oblystyq ftızıopýlmonologııa ortalyǵynyń Jezqazǵan balalar bólimshesiniń ýchaskelik dáriger-ftızıatry;
- «Úzdik terapevt» – Juldyz Qoldasbekova, Abaı qalasynyń ortalyq aýrýhanasynyń ýchaskelik terapevt dárigeri;
- «Úzdik hırýrg» – Saıat Kenjebaev, professor H. J. Maqajanov atyndaǵy kópsalaly aýrýhanasynyń shuǵyl neırohırýrgııa bólimshesiniń meńgerýshisi;
- «Úzdik orta medıtsına qyzmetkeri» – Baǵıla Nurhasheva, Abaı qalasy Ortalyq aýrýhanasynyń kardıolog meıirbıkesi;
- «Densaýlyq saqtaýdyń úzdik uıymdastyrýshysy» – Gúlnar Esimseıit, Temirtaý q. № 1 emhanasynyń dırektory.
Laýreattardyń árqaısysy 1 mıllıon teńge kóleminde syıaqy aldy.
«Úzdik hırýrg» – H. J. Maqajanov atyndaǵy kópsalaly aýrýhananyń shuǵyl neırohırýrgııa bólimshesiniń meńgerýshisi Saıat Kenjebaev 1995 jyly Qaraǵandy medıtsına ýnıversıtetin bitirgen.
«Sońǵy 10 jylda kóptegen jańashyldyqtar boldy, biz únemi jetilip kelemiz, medıtsına bir orynda turmaıdy. Men óz mamandyǵymdy jaqsy kóremin, óıtkeni ol el rızalyǵyna toly, ári qyzyqty jumys. Áriptesterimdi kásibı merekemen quttyqtaımyn. Olarǵa shydamdylyq tileımin. Eń bastysy barlyǵymyzǵa densaýlyq tileımin!», – deıdi Saıat Kenjebaev
Qaraǵandy oblysy ákiminiń «Mamandyǵyna adaldyǵy úshin» nomınatsııasy boıynsha eki mıllıon teńge kólemindegi arnaıy syılyǵy Oblystyq jedel medıtsınalyq kómek stantsııasynyń Azamattyq qorǵanys jáne tótenshe jaǵdaılar bóliminiń meńgerýshisi Borıs Vydraǵa berildi.
Qazaqstanda medıtsına qyzmetkeri kúni jyl saıyn maýsymnyń úshinshi jeksenbisinde toılanady. Qaraǵandy oblysy ákiminiń densaýlyq saqtaý salasynyń qyzmetkerlerine syıaqysy 2006 jyly belgilendi.