Qaraǵandy oblysynyń ákimi mádenıet jáne óner salasynyń qyzmetkerlerine 5 mln teńge tabys etti
Qaraǵandy qalasynda kásibı mereke qarsańynda eń úzdik mádenıet jáne óner qyzmeterlerine syılyqtar tabys etildi, dep habarlaıdy Qaraǵandy oblysy ákimdiginiń baspasóz qyzmeti.
Saltanatty shara K.Stanıslavskıı atyndaǵy orys drama teatrynyń sahnasynda ótti. Jalpy somasy 4,7 mln teńgeni quraıtyn oblys ákiminiń syılyǵy 21 nomınatsııa boıynsha tabystaldy.
«Men búgin myna zalda jasaǵan eńbekteri zor ári baǵa jetpes tanymal ártisterdi, ataqty sýretshilerdi jáne rejısserlerdi, mádenıet qyzmetkerlerin kórip otyrmyn. Bizdiń Saryarqamyz ǵasyrlar boıy óz daryndylarymen áıgili. Qaraǵandy - elimizdiń mádenı ortalyqtarynyń biri, - dep quttyqtaý sózderin jetkizdi oblys ákimi Erlan Qoshanov - Bizdiń maqtan tutar tustarymyz jeterlik. Qaraǵandylyq ártister álem sahnalarda óner kórsetedi, jergilikti teatrlarymyzdyń zaldary kórermenge toly. Bizdiń kitaphanalarymyz ben murajaılarymyz úlgili bolarlyqtaı», - dedi. 
Bıylǵy jyly 22 adam oblys ákimi syılyǵynyń laýreaty atandy. Mádenıet salasynyń úzdik qyzmetkerlerine taǵaıyndalǵan syılyq quny 200 myń teńgeni qurady. «Mamandyǵyna adaldyǵy úshin» atty nomınatsııa boıynsha 500 myń teńge kólemindegi arnaıy syılyq Qazaqstannyń eńbek sińirgen ártisi, S. Seıfýllın atyndaǵy qazaq drama teatrynyń jetekshi ártisi Qaırat Kemalovqa tabys etildi.
«Jyl ártisi» - Alekseı Shýmskıı, JKT (TıÝZ) Temirtaý;
«Jyl ártisi» - Ánýar Marjan, S. Seıfýllın atyndaǵy qazaq drama teatry;
«Jyldyń úzdik epızodtyq róli» - Erke Baıdeshev, S. Qojamqulov atyndaǵy Jezqazǵan teatry;
«Jyldyń úzdik teatr rejısseri» - Aleksandra Bolshakova, K.Stanıslavskıı atyndaǵy orys drama teatry;
«Jyldyń estrada janrynyń vokalısi» - Madına Djanabaeva, Q. Baıjanov atyndaǵy KB solısi;
«Jyldyń klassıka janrynyń vokalısi» - Vıktor Igýshkın, akademııalyq mýzykalyq komedııa teatrynyń solısi;
«Halyq ánin úzdik oryndaýshy» - Dýlat Ahanov, Q.Baıjanov atyndaǵy KB solısi;
«Jyldyń úzdik ınstrýmentalısi» - Sergeı Sypkov, akademııalyq mýzykalyq komedııa teatrynyń solısi, Vladıslav Badrah, Q.Baıjanov atyndaǵy KB sımfonııalyq orkestr ártisi;
«Jyldyń úzdik jeke aspapta oryndaýshysy» - Aıgúl Áýjanova, Q. Baıjanov atyndaǵy KB Táttimbet atyndaǵy akademııalyq orkestr ártisi;
«Jyl dırıjeri» - Úkibaı Dúısen, Q.Baıjanov atyndaǵy KB Táttimbet atyndaǵy akademııalyq orkestr;
«Jyl horeografy» - Tatıana Sýdakova-Popovıch, akademııalyq mýzykalyq komedııa teatrynyń solısi;
«Balet jáne horeografııalyq ujymynyń úzdik artısi» - Marhabat Tókenova, Q.Baıjanov atyndaǵy KB «Aqqý» folklorly-horeografııalyq ansambli;
«Kórkemónerpazdar ujymynyń úzdik jetekshisi» - Vera Kýlahmetova, Ulytaý aýdany MÚ;
«Demalys ýaqytyn úzdik uıymdastyrýshy» - Aıjan Shakenov, «Molodejnyı» MÚ dırektory;
«Aýyl mádenıetiniń úzdik qyzmetkeri» - Erjan Blálov, Qarqaraly aýdany Tegisshilik aýyldyq okrýginiń Vostok aýyly klýbynyń mádenı uıymdastyrýshysy;
«Aýyldyń úzdik kitaphanashysy» - Gúlmıra Ajmaǵambetova, Nura aýdany OKJ dırektorynyń orynbasary;
«Úzdik kitaphanashy» - Janar Okasova, S.Seıfýllın atyndaǵy ortalyq qalalyq kitaphananyń ádistemeshisi, Qarajal qalasy;
«Jyldyń murajaı qyzmetkeri» - Saltanat Qatumbaeva, Shet aýdany arheologo-etnografıkalyq murajaıynyń jetekshisi;
«Altyn jolaq» - Súıindik Janysbaı;
«Jyldyń úzdik sýretshisi» - Janat Komýtov.
Óz kezeginde Erlan Qoshanov barlyq laýreattardy alǵan marapattarymen quttyqtap, kelesi jyly syılyq kólemi ulǵaıtylatynyn jetkizdi.
