Qaraǵandy oblysynyń ákimi konkıshi Ekaterına Aıdovany qol jetken tabysymen quttyqtady
ARAǴANDY. Sáýirdiń 6-sy. QazAqparat /Valentına Elızarova/ - Qaraǵandy oblysynyń ákimdiginde búgin konkı sportynan halyqaralyq dárejedegi sport sheberi, short-trekten sport sheberi Ekaterına Aıdovaǵa qoshemet kórsetildi.
Oblys ákimi Serik Ahmetovtiń qabyldaýynda sportshydan basqa, onyń jattyqtyrýshysy Sergeı Loskýtnıkov ta boldy. Aımaq basshysy Aıdovany qol jetken tabystarymen quttyqtady. «Bizdiń aımaqtyń talantty sportshylarmen dańqy shyqqan. Endi olardyń qataryn Siz tolyqtyryp otyrsyz. On segiz jasyńyzda Siz kóp jetistikterge jettińiz, Qazaqstan Respýblıkasynyń 8 rekordyn jáne jasóspirimder arasyndaǵy bir álem rekordyn ornattyńyz», - dedi S.Ahmetov.
Aımaq basshysy Vankýverdegi qysqy Olımpıada oıyndarynda jaqsy óner kórsetkenine alǵys aıtty, E.Aıdova onda ultyq quramadaǵy Qaraǵandy oblysynyń birden-bir ókili boldy. Oblys ákimi Álııa Moldaǵulova atyndaǵy sporttaǵy daryndy balalarǵa arnalǵan oblystyq mamandandyrylǵan mektep-ınternat túlegin Germanııada Álem kýbogyn jeńip alýymen jáne Máskeýde jasóspirimder arasyndaǵy konkı sporty boıynsha álem chempıonatyndaǵy jeńisimen quttyqtady.
Bul jetistikterge jattyqtyrýshylar Sergeı Loskýtnıkov pen Vladımır Levchenkonyń zor úles qosqany atalyp ótti.
E.Aıdova olımpıadalyq oıyndardaǵy alǵashqy debıýti jóninde áserlerimen bólisti jáne 2011 jyly ótetin VII qysqy Azııa oıyndaryna daıarlyq barysy jóninde áńgimeledi.
E.Aıdova men S.Loskýtnıkovke oblys basshylyǵy Karlovy Varyda demalýǵa múmkindik jasady. Oblys ákimi sportshyǵa, sondaı-aq noýtbýk tartý etti.
