Qaraǵandy oblysynyń ákimi kenshilermen kezdesti
QARAǴANDY. QazAqparat - Qaraǵandy oblysynyń ákimi Erlan Qoshanov Kostenko atyndaǵy shahtaǵa túsip, kenshilerdiń eńbek jaǵdaıyn jaqsartý máselesin birge talqylady, dep habarlaıdy Qaraǵandy oblysy ákimdiginiń baspasóz qyzmeti.
Baspasóz málimetterine qaraǵanda, oblys ákimi shahterlerdiń jaǵdaıy únemi Memleket basshysynyń nazarynda ekenin atap aıtty.
2018 jyldan bastap kompanııa jerasty jáne jerústi jumysshylarynyń eńbek aqysyn 33,55% joǵarylatqan.
Prezıdent tapsyrmasy boıynsha 2018-2020 jyldary «ArsellorMıttal Temirtaý» AQ damytý Jol kartasy qabyldandy.
Qujatqa QR Investıtsııa jáne damý mınıstri Jeńis Qasymbek, Qaraǵandy oblysynyń ákimi Erlan Qoshanov, kompanııanyń bas dırektory Paramjıt Kalon qol qoıdy.
Jol kartasynda «ArsellorMıttal Temirtaý» úsh jyl ishinde óndiristik nysandarǵa qurysh, kómir jáne ken departamentterine 305 mlrd teńge ınvestıtsııa salýdy qarastyrǵan.
2018 jyly - 100 mlrd, 2019 jyly - 105 mlrd, 2020 jyly - 100 mlrd teńge quıylmaq. Salystyrar bolsaq, 2017 jyly ınvestıtsııa kólemi 50 mlrd teńgeni quraǵan.
Óndiristi jańǵyrtý, materıaldyq-tehnıkalyq jaǵdaıyn jaqsartý, shahterlerdiń qaýipsizdigin qamtamasyz etý sharalaryn júzege asyrý josparlanǵan.
Ásirese ekologııaǵa erekshe kóńil bólinbek.
4.0 Indýstrııasy standarttary qoldanylady.
