Qaraǵandy oblysynyń ákimi «Kazahstanskaıa» shahtasynda qaza tapqandardyń otbasylarynda boldy
QARAǴANDY. QazAqparat - Qaraǵandy oblysynyń ákimi Erlan Qoshanov «ArselorMıttalTemırtaý» AQ kómir departamentiniń «Kazahstanskaıa» shahtasynda qaza tapqan azamattardyń otbasylaryna bardy, dep habarlaıdy «QazAqparat» HAA tilshisi oblys ákiminiń baspasóz qyzmetine silteme jasap.
Aımaq basshysy kenetten taraǵan metan gazy saldarynan qaza tapqan kenshilerdiń týysqandary men jaqyndarynyń qaıǵysyna ortaqtasyp, kóńil aıtty.
«Bul - barlyǵymyzǵa ortaq qaıǵy. Biz jaqyndaryńyzdy qaıtyp oralta almaımyz, alaıda sizderge kómek kórsetý úshin barlyǵyn jasaımyz. Sizder jalǵyz emessizder», - dedi Erlan Qoshanov.
Oblys ákimi qaza tapqandardyń týystaryna aqshalaı materıaldyq kómek kórsetti. «ArselorMıttal Temırtaý» kompanııasynyń basshysy Paramjıt Kalon oblys ákimi men qaza tapqan azamattardyń otbasylaryn ujymdyq kelisimshartta qarastyrylǵan barlyq mindettemelerdi oryndaıtyndyǵyna sendirdi. Budan ózge, kompanııa basshylyǵy asyraýshysynan aırylǵan ár otbasynyń áleýmettik jaǵdaıyn zerttep, sonyń negizinde qosymsha qajetti kómek kórsetýge ýáde etti.
Aıta keteıik, búgin 31 tamyzda tańǵy saǵat 4-ter shamasynda Qaraǵandy oblysy Shahtınsk qalasyndaǵy «Arselor Mıttal Temirtaý» kompanııasyna tıesili «Kazahstanskaıa» shahtasynda kenet metan gazy taraǵan. Shahtada bastapqy málimet boıynsha 136 adam bolǵan. Al, apatty ýchaskede aldyn ala derekke sáıkes 4 adam qalǵan.
Qazir QR IDM Indýstrıaldyq damý jáne ónerkásiptik qaýipsizdik komıtetiniń kásibı áskerılendirilgen apattyq-qutqarý qyzmetiniń mamandary oqıǵa ornynda jumys isteýde.
