Qaraǵandy oblysynyń ákimi Qasıetti Vvedenskıı soborynda pravoslav hrıstıandaryn Rojdestvo merekesimen quttyqtady
QARAǴANDY. 7 qańtar. QazAqparat - Qaraǵandy oblysynyń ákimi Baýyrjan Ábdishev búgin Qaraǵandynyń Qasıetti Vvedenskıı soborynda bolyp,
pravoslav hrıstıandaryn Rojdestvo meıramymen quttyqtady, dep habarlady óńir basshysynyń baspasóz qyzmetinen.
«Memlekettiń óz azamattarynyń dinı senimine qurmetpen qaraýy - bizdiń eldegi dinaralyq kelisimniń mańyzdy negizderiniń biri. Adamgershilik, ónege kórsetý, ózara qurmet pen qoldaý syndy máńgilik aqıqatqa súıene otyryp, biz barlyq konfessııalardyń damýyna jaǵdaı jasadyq. Bizdiń ortaq úıimiz - Qazaqstan Respýlıkasynda beıbitshilik pen kelisimdi saqtap qaldyq», - dedi oblys ákimi dindarlarǵa qarata aıtqan sózinde.
