Qaraǵandy oblysynyń ákimi Erlan Qoshanov Frantsııa elshisi Fılıpp Martınemen kezdesti
ASTANA. QazAqparat - Qaraǵandy oblysynyń ákimi Erlan Qoshanov Frantsııa elsishi Fılıpp Martınemen kezdesti. Olar ónerkásip jáne týrızm salasyndaǵy áriptestik áleýetin talqylady, dep habarlaıdy Qaraǵandy oblysy ákimdiginiń baspasóz qyzmeti.
Aımaq basshysynyń aıtýynsha, Qaraǵandy oblysynda shyqqan ónimder álemniń 50 eline eksporttalady, onyń ishinde Frantsııaǵa da. Degenmen, syrtqy saýda aınalymynda Frantsııa úlesi nebary 0,2% paıyzdy quraıdy jáne de sońǵy jyldary bul kórsetkish tómendep barady.
Erlan Qoshanov oblysymyz Frantsııamen iskerlik baılanysty jaqsartýǵa qyzyǵýshylyq tanytatynyn aıtty.
«Bizdiń el úshin Qazaqstan - strategııalyq seriktes, biz de ónerkásip te, týrızm salasynda da áriptestik ornatýǵa múddelimiz. Men jýyrda ǵana Parıjden oraldym, onda bıznes ókilderimen kezdesý ótti. Basqosýdyń basty maqsaty - kásipkerlerdi Qazaqstanmen jumys isteýge yntalandyrý boldy», - dep jaýap berdi Fılıpp Martıne.
Ol sonymen qatar túrli salalarda seriktestik ornatý úshin frantsýz tilin oqıtyn stýdentter men mamandarmen baılanys ornatý qajet ekenin aıtty. Osy maqsatta qazaqstandyqtardyń Frantsııada oqýdan ótýine 100 grant bólingen. Granttyq baǵdarlamany eki el birlesip qarjylandyrady.
Kezdesýde Erlan Qoshanov Frantsııa elshisimen týrızm salasyndaǵy seriktestik múmkindikterin talqylady jáne oǵan oblystyń kórnekti jerleri týraly aıtyp berdi. Ol sonymen qatar Fılıpp Martıneni Ulytaýdaǵy keseneni kórip qaıtýǵa shaqyrdy.
Qazaqstannyń eń basty kórnekti jerleriniń biri Qaraǵandy oblysynda ornalasqan. Ol Ulytaý, onda Shyńǵyshannyń uly - Joshy han jerlengen. Bul biregeı, kıeli jer.
Elshi myrza bul shaqyrýdy qýana qabyl aldy, jáne Qazaqstan tarıhyndaǵy bul eskertkish týraly osyǵan deıin estimegenin aıtty. Kezdesýge qatysýshylar bizdiń oblysymyzdaǵy ishki týrızmdi damytý boıynsha jospardy qurýǵa frantsýz mamandaryn jumyldyrý múmkindikteri shz etti.
Fılıp Martınege sonymen qatar sheteldik seriktesterdi qyzyqtyrýy múmkin ınvest-jobalar tizimi bar katalog usynyldy.
«Bizdiń tizimde túrli salalardy qamtıtyn, onyń ishinde taý-ken ónerkásibi, hımııa, qurylys, energetıka, aýyl sharýashylyǵy, taǵam, medıtsına, jolaýshy tasymaldaý, týrızm jáne taǵy basqa salalardy qamtıdy. Siz osy katalogty Frantsııadaǵy bıznes ókilderine usynsańyz eken deımiz. Bizde «Saryarqa» erkin ekonomıkalyq aımaǵy bar, onda óndiris oryndary ornalasýy múmkin», - dep atap ótti Erlan Qoshanov.
Elshi frantsýzdyq kásipkerlerde ázirge Qazaqstanda iri jobalar joqtyǵyn, degenmen eldiń aýqymdy tabıǵı resýrstary seriktestik ornatýǵa tartymdy perspektıvalar ashatynyn aıtyp ketti.
