Qaraǵandy oblysynyń ákimi baǵbandardyń túıitkilderin sheshýdi tapsyrdy
QARAǴANDY. QazAqparat - Qaraǵandy oblysynyń ákimi Erlan Qoshanov saıajaı ıeleriniń túıitkilderine nazar aýdardy. Olardyń biri - kólik máselesi, dep habarlaıdy QazAqparat.
«Saıajaılar máselesine nazar aýdarý kerek. Eger jazda olar saıajaıda tursa, qazir maýsym aıaqtalyp, adamdar qalaǵa kóshýde. Turaqty saparlar úshin kólik jetkiliksiz. Baǵbandar ózderin asyrap otyrǵan jandar, olardy qoldaý qajet», - dedi Erlan Qoshanov.
Oblys basshysy Qaraǵandy qalasynyń ákimi Nurlan Áýbákirovke saıajaı ıeleri úshin qoǵamdyq kólik máselesin sheshýge, sondaı-aq baǵbandar máselesin baqylaýǵa alýdy tapsyrdy.
Óńir ákimdiginen málim etkendeı, 1 qazanǵa deıin Soqyr ózenin tazalaý jumystary aıaqtalady. Bul shara kóktemgi kezeńde saıajaılardy sý basýdan qutqarady.
