Qaraǵandy oblysynyń ákimi Aqtoǵaı aýdanyndaǵy problemalyq nysandardy aralady
QARAǴANDY. QazAqparat – Qaraǵandy oblysynyń ákimi Jeńis Qasymbek jumys saparymen Aqtoǵaı aýdanynyń Shashýbaı kentinde boldy. Osy eldi mekenniń turǵyndarymen birge problemalyq nysandardy aralap kórdi, dep habarlaıdy QazAqparat tilshisi.
Shashýbaılyqtar turǵyn úı kommýnaldyq sharýashylyq boıynsha birqatar máselelerdi kóterdi, otbasylyq-dárigerlik ambýlatorııa men basqa da áleýmettik mekemelerdi jóndeý sapasyna narazylyq bildirdi.
«Kentte dárihana, jaıly aıaldama pavılony, balalar men eresekterdiń demalýyna arnalǵan alańdar joq. Balqashqa barý úshin úlken avtobýs qajet. Sýmen jabdyqtaý, káriz máseleleri de sheshilmegen», – dedi jergilikti turǵyn Farıda Qurysheva.
Sonymen qatar, Shashýbaı kentiniń turǵyndary kóp jyl boıy bos turǵan bes qabatty úılerdiń jaǵdaıy ne bolady degen máselege alańdaýshylyq bildirdi.
Aqtoǵaı aýdanynyń ákimi Saltanat Ábeýova kentte tórt bos úı bar ekenin jáne olardy turǵyn úı kezeginde turǵan turǵyndar úshin qalpyna keltirýge nıetti ekenin aıtty.
«Jalpy Shashýbaı sııaqty kentterdi damytýdyń keshendi jospary qajet. Sizge barlyq jaýapty organdardyń qatysýymen komıssııa jiberemin», – dedi oblys ákimi.
Búgingi tańda kent halqy úsh myńǵa jýyq adamdy quraıdy.
