Qaraǵandy oblysynyń ákimdiginde ótken keńeste qyzmet kórsetý kásiporyndaryn ınvestıtsııalaý baǵdarlamalary qaraldy
QARAǴANDY. 9 aqpan. QazAqparat /Valentına Elızarova/ - Qaraǵandy oblysynyń ákimi Serik Ahmetov jumys keńesin ótkizip, Qaraǵandy qalasyndaǵy qyzmet kórsetý kásiporyndarynyń jumysyna qatysty máselelerdi talqyǵa saldy.
Bul týraly búgin oblys ákiminiń baspasóz qyzmeti málimdedi. Olardyń habarlaýynsha, keńes barysynda «Qaraǵandy energııaortalyǵy» JShS men «Qaraǵandy Jaryq» JShS ınvestıtsııalyq baǵdarlamalaryn usyndy.
«Qaraǵandy energııaortalyǵy» JShS bas dırektory Sabyrǵalı Ydyrysov óz sózinde aıtyp ótkendeı, 2011 jyly eki jylý elektr ortalyqtaryndaǵy negizgi jáne qosymsha qurylǵylardy jóndeýden jáne kúrdeli jóndeýden ótkizý úshin 11,8 mlrd. teńge salynǵan.
Aımaq basshysynyń baspasóz qyzmeti málim etkendeı, «Qaraǵandy Jaryq» JShS-nyń 2011-2015 jyldarǵa arnalǵan ınvestıtsııalyq baǵdarlamasynyń quny 33,7 mlrd. teńgeni quraıdy.
Oblys ákiminiń baspasóz qyzmeti taratqan aqparatqa súıensek, keńes barysynda sondaı-aq Qaraǵandy JEO-3 nysanyn qaıta jańǵyrtý men keńeıtý jónindegi baǵdarlama jobasy men «Qaraǵandy Sý» JShS-nyń qyzmetin shyǵynsyz deńgeıge jetkizý jónindegi is-sharalardyń júzege asyrylýy boıynsha esep tyńdaldy.
