Qaraǵandy oblysynyń Abaı qalasynda 550 oryndyq jańa balabaqsha ashyldy
QARAǴANDY. QazAqparat – Qaraǵandy oblysynyń Abaı qalasynda memlekettik-jekeshelik áriptestik baǵdarlamasy boıynsha 550 oryndyq balabaqsha ashyldy. Mektepke deıingi mekemede 100-den astam jumys orny ashyldy, dep habarlaıdy QazAqparat tilshisi.
Qazir jańa balabaqsha shtaty jasaqtalýda.
«Abaıda mektepke deıingi bilim berý salasynda jumys izdep júrgen mamandar kóp. Biz tıisti bilimi bar qyzmetkerlerdi jańa baǵdarlamalar boıynsha oqytamyz. Balabaqshada damý úıirmelerin, sport sektsııalaryn ashýdy josparlap otyrmyz», - dedi «Ádemi bóbekjaı balabaqshasy» JShS basshysy Erbol Qarnaqbaev.
Balabaqsha Polıtehnıkalyq kolledjdiń burynǵy ǵımaratynda ornalasqan. Onda balalardy tárbıeleý jáne damytý úshin barlyq qajetti jaǵdaılar jasalǵan.
