Qaraǵandy oblysynyń 8 myńǵa jýyq turǵyny jalpyqazaqstandyq dıktantqa qatysty
QARAǴANDY. QazAqparat – Aqparat jáne qoǵamdyq damý mınıstrligi uıymdastyrǵan «Myń bala» respýblıkalyq mádenı-aǵartý jobasy aıasynda «Táýelsizdik – basty qundylyǵymyz!» jalpyqazaqstandyq dıktant ótti.
Bıyl ony Qaraǵandy oblysynyń 7 872 turǵyny jazdy, dep habarlaıdy QazAqparat tilshisi.
Onyń ishinde 831 memlekettik qyzmetshi, 3 020 azamattyq qyzmetshi, 148 etnomádenı birlestikterdiń ókilderi, 22 qoǵam qaıratkeri, 2 094 stýdent jáne 1 757 oqýshy boldy.
Qaraǵandy oblysy tilderdi damytý basqarmasynyń málimetinshe, qatysýshylardyń 80%-y joǵary deńgeıde dıktant jazǵan.
Jalpyqazaqstandyq dıktant jyl saıyn sınhrondy túrde búkil el boıynsha ótkiziledi. Onyń qorytyndysy «Uly dalanyń ulttyq tili» respýblıkalyq forýmynda jarııalanady.
