Qaraǵandy oblysynyń 70% tabıǵı gazben qamtylady
QARAǴANDY. QazAqparat - Qaraǵandy oblysynda 2019 jyly «Saryarqa» magıstraldik gaz qubyrynyń qurylysy bastalady. Óńirdiń 120 eldi mekenine tabıǵı gaz tartý josparlanyp jatyr, dep habarlaıdy QazAqparat tilshisi.
«Birinshi kezeńde uzaqtyǵy 1064 shaqyrym bolatyn Qyzylorda-Jezqazǵan-Qaraǵandy-Astana baǵyty boıynsha magıstraldik gaz qubyrynyń qurylysy josparlanyp otyr. Onyń 836 shaqyrymy Qaraǵandy oblysyna tıesili», - dedi Qaraǵandy oblystyq TKSh jáne energetıka basqarmasy gazben jabdyqtaý bóliminiń basshysy Rınat Qydyrbekov.
«Saryarqa» magıstraldik gaz qubyrynyń qurylysynyń bastalýy 2018 jyldyń shildesine josparlanǵan. Qyzylorda-Jezqazǵan-Qaraǵandy-Temirtaý baǵyty boıynsha alǵashqy kezeń 2019 jyldyń jeltoqsanyna deıin aıaqtalady. Birinshi kezeńde shamamen 267,3 mlrd teńge jumsalmaq.
Vedomstvo atap ótkendeı, Qaraǵandy oblysynyń ákimdigi aımaqtyq jeliler men magıstraldik gaz qubyry qurylysynyń merzimin úndestirýdi eskere otyryp, ınfraqurylymdy salý úshin jol kartasyn jasady.
Jeke jáne kóp qabatty turǵyn úılerge gaz tartý josparlanyp otyr. Sondaı-aq, gaz qubyrynyń qurylysy Qaraǵandy oblysy aýdandarynyń ekologııalyq jaǵdaıyn jaqsartady. Gazdandyrý arqyly atmosferadaǵy zııandy zattardyń deńgeıin tómendetýge bolady.
