Qaraǵandy oblysynyń 5 aýdanynda sý tasqyny qaýpi joıyldy
QARAǴANDY. QazAqparat - Qaraǵandy oblysynyń birneshe aýdanynda úılerdi sý basý qaýpi paıda boldy. Degenmen, oblystyq TJD men jergilikti bılik kúshimen jaǵdaı turaqtandy, dep habarlaıdy QazAqparat tilshisi.
27 naýryzda Jańaarqa aýdanynda Atasý stantsııasynda qar erip, 7 turǵyn úıdi sý basý qaýpi týyndady. Qyzyl sý bir kóshe jáne stantsııa mańynan ótti. Sý basýdyń aldyn alý maqsatynda sý arnasyn burý jumystar júrgizildi. 200 m qorǵanys úımegi salynyp, 500 qap tóseldi. Sý tasqynyna qarsy is-sharalarǵa jergilikti atqarýshy organdardyń, TJ bóliminiń, polıtsııa, temir jol bólimshesiniń kúshteri men quraldary jáne jergilikti halyq jumyldyryldy. Jaǵdaı turaqtandyryldy. 28 naýryz saǵat 8:00-de sýdyń deńgeıi 20 sm deıin tómendedi.
Bul kúni sonymen qatar Jańaarqa aýdany Orynbaı aýylynda Sarytas shoqysynan erigen qar sýynyń qarqyndy túrde túsýine baılanysty 8 turǵyn úıdi sý basý qaýpi týyndady. Sý aýyldyń shetteri men úsh kósheleriniń ústinen ótti. Oqıǵa ornyna jergilikti atqarýshy organdar, TJ bóliminiń, polıtsııa qyzmetkerleri, jergilikti halyq jumyldyryldy. Sý basýdyń aldyn alý maqsatynda eldi mekende 300 qap jáne 150 tonna ınertti materıal tóseldi. Qaýipsiz jerge 160 bas iri qara jáne usaq mal kóshirildi. 28 naýryzda saǵat 8:00-de sý deńgeıi 10-15 sm-ge tómendedi.
Jańaarqa aýdanynyń aýmaǵynda Sarysý ózeniniń basseıninde sý deńgeıi kóterilýine baılanysty atalǵan aımaqqa Qaraǵandy jáne Jezqazǵan qalalarynyń TJD bólimshelerinen 38 adam, 8 tehnıka, 3 júzý quraly, 4 motopompa jiberildi.
Sondaı-aq, 28 naýryz saǵat 03:20-da Abaı aýdany Qulaıǵyr aýylynda qar erip, Topar ózeni deńgeıiniń kóterilýi saldarynan 6 aýlany sý basty. Jergilikti atqarýshy organdar men TJD bólimsheleriniń kúshimen qorǵanys biligin nyǵaıtý, aýla mańyndaǵy aýmaqtardan sýdy sorý jumystary uıymdastyryldy, 300 tonna ınertti materıal tógilip, 2500 qap tóseldi.
Bir táýlik aralyǵynda eki avtojol ýchaskelerinde sý júrdi. Qarqaraly aýdanynda respýblıkalyq mańyzy bar «Qaraǵandy-Aıagóz-Buǵaz» avtojolynyń 137 km-de eni 100 metr, bıiktigi 5-10 sm-den asatyn sý ótkeli paıda boldy. Avtotehnıkanyń ótýi júzege asyryldy, eskertý belgileri qoıyldy, sol jerde «Qazaqavtojol» JShS qyzmetkerleri kezekshilik etedi. Eldi mekenderdi sý basý qaýpi joq.
Shet aýdanynda respýblıkalyq mańyzy bar «Aqshataý-Qyzylorda-Pavlodar» avtojolynyń 165-166 shaqyrymynda «Bıdaıyq-Kóktinkól» ýchaskesinde qar erýi saldarynan eni 300 m, bıiktigi 20-30 sm sý júrdi. Aqadyr kenti arqyly aınalma jol jasaldy, eskertý belgileri qoıylǵan, oqıǵa ornynda «Matan» JShS qyzmetkerleri kezekshilik etedi. Eldi mekenderdi sý basý qaýpi joq.
Qarqaraly, Buqar Jyraý jáne Jańaarqa aýdandarynyń joldarynda bolǵan sý tasqyny toqtatyldy.
Qaraǵandy oblysynyń tótenshe jaǵdaılar departamentiniń daǵdarys ortalyǵynda sý tasqynyna qarsy shtab jumysy jalǵasýda. Oblys aýmaǵyndaǵy ahýaldyń monıtorıngi júzege asyrylady, oblystyń jergilikti atqarýshy organdarymen, azamattyq qorǵaýdyń memlekettik júıesiniń aýmaqtyq kishi júıesiniń basqarý organdarymen turaqty ózara is-qımyl qamtamasyz etilýde.
Kún saıyn sý obektilerindegi gıdrologııalyq jaǵdaıǵa baqylaý júrgiziledi.
