Qaraǵandy oblysyndaǵy jol apatynda úsh adam qaza tapqan
QARAǴANDY. QazAqparat - Qaraǵandy oblysynda «Toıota» men «Kıa» soqtyǵysyp úsh adam qaza taýyp, eki adam aýrýhanaǵa jetkizilgen, dep habarlaıdy «QazAqparat» HAA.
Qaıǵyly oqıǵa Abaı qalasy men Topar aýylynyń arasyndaǵy tas jolda bolǵan. Bastapqy nusqa boıynsha «Toıota Mark-2» júrgizýshisi joldyń qarsy betine shyǵyp, «Kıa» avtomobılin soqqan. «Apat ornynda «Kıanyń» eki jolaýshysy mert bolyp, aýrýhanada «Toıotanyń» bir jolaýshysy jan tapsyrǵan. Eki kóliktiń júrgizýshisy de aýrýhanaǵa jetkizildi», - dep habarlaıdy Qaraǵandy oblystyq ishki ister departamenti baspasóz qyzmetiniń basshysy Baqytjan Qudııarov.
QR QK 345-babynyń («Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy») 4-bóligi boıynsha sotqa deıingi tergeý amaldary bastalǵan. «Tıisti saraptama belgilendi. Qylmystyq is óndirisi júrip jatyr», - dedi Baqytjan Qudııarov.
