Qaraǵandy oblysyndaǵy jol apatynda 28 jastaǵy polıtsııa serjanty qaza tapty
QARAǴANDY. QazAqparat - Qaraǵandy oblysynyń trassasynda aýdarylǵan Toyota Land Cruiser avtomobılinde polıtsııa qyzmetkeri qaza tapty. Bul týraly oblystyq ІІD baspasóz qyzmetinen habarlady.
Apat 25 qyrkúıekte Ulytaý aýdanynda oryn aldy.
«Aldyn ala boljam boıynsha, 26 jastaǵy Toyota Land Cruiser avtomobıliniń júrgizýshisi kólik rýline ıe bola almaı jyraǵa aýdaryldy. Saldarynan 28 jastaǵy jolaýshy, polıtsııa serjanty alynǵan jaraqattardan oqıǵa ornynda kóz jumdy», - dedi oblystyq ІІD baspasóz qyzmetiniń basshysy Baqytjan Qudııarov.
Onyń sózine qaraǵanda, polıtseı azamattyq formada bolǵan.
«Jol-kólik oqıǵasy faktisi boıynsha materıal QR QK 345 baby 3 bólimine sáıkes sotqa deıingi tergeý amaldarynyń biryńǵaı reestrine tirkeldi. Tıisti saraptamalar taǵaıyndaldy. Tergeý amaldary júrgizilip jatyr», - dep qosty B. Qudııarov.
