Qaraǵandy oblysyndaǵy jazasyn óteýshiler kópbalaly analardy merekemen quttyqtady
QARAǴANDY. QazAqparat – AK-159/11 mekemesinde jazasyn óten jatqandar Halyqaralyq áıelder kúni qarsańynda analardy quttyqtap, qatelikteri úshin keshirim surady.
Sondaı-aq, kópbalaly analarǵa óz qoldarymen jasaǵan syılyqtaryn tartý etti, dep habarlaıdy QazAqparat tilshisi.
Qaraǵandy oblysy boıynsha QAJD Halyqaralyq áıelder kúni qarsańynda beınerolık daıyndady, onda AK-159/11 sottalǵandar analary men áıelderin 8 naýryz merekesimen quttyqtap, shyn júrekten aq tilekterin bildirip, osy kúni olardyń qasynda bola almaıtyndary úshin keshirim surady.
Analardy beınebaılanys arqyly quttyqtaǵan sottalǵandardyń kópshiligi bas bostandyǵynan aıyrý oryndarynda on jylǵa jýyq otyrǵandar.
Sondaı-aq, mereke qarsańynda AK-159/9 mekemesinde jazasyn ótep jatqan kópbalaly analardy AK 159/5, AK 159/6, AK 159/7, AK 159/11, AK 159/17, AK 159/18 mekemelerindegi sottalǵan er adamdar quttyqtady.
Bul kúni sottalǵandar óz qoldarymen qobdıshalar, aǵash músinsheler, ashyq hattar men sýretter sekildi syılyqtar jasady. Kópbalaly analar osyndaı iltıpat bildirgenderi úshin erler qaýymyna rızashylyǵyn bildirdi. Munyń bári olar úshin qýanyshty jańalyq boldy.
Sondaı-aq, 8 naýryz kúni názik jandardy AK-159/9 mekemesi bastyǵynyń orynbasary quttyqtady
«Men barlyq áıelderge kóktemgi kóńil-kúı, baqytty ómir, mahabbat, sulýlyq, ómir qýanyshyn, týystar men dostardyń nazary men qamqorlyǵyna bólenýdi tileımin. Bul kún barlyq názik jandarǵa jaqsy kóńil-kúı men qýanyshty kúlki syılasyn», - dep qorytyndylady ádilet polkovnıgi Slambek Tursynhanov.
AK-159/9 mekemesiniń ákimshiligi 8 naýryz Halyqaralyq áıelder kúnin erekshe qamqorlyqpen jáne yqylaspen atap ótedi, radıorýbka arqyly mýzykalyq súıemeldeýden basqa, 8 naýryzda mekemede úı atmosferasyn qurý úshin merekelik túski as daıyndalady.
