Qaraǵandy oblysyndaǵy jan túrshigerlik jol apaty: 3 adam ajal qushty
QARAǴANDY. QazAqparat - Qaraǵandy oblysyndaǵy «Qaraǵandy - Balqash» kúre jolynda bolǵan jol apatynan úsh jolaýshy qaza tapty, dep habarlaıdy QazAqparat tilshisi.
Oblystyq ishki ister departamentiniń málimdeýinshe, ústimizdegi jyldyń 23 tamyzy kúni «Qaraǵandy - Balqash» avtojolynda «Lada Largus» avtomobıliniń 30 jastaǵy jolaýshysy, aldyn ala málimetterge qaraǵanda, rýldi basqara almaı, kólik jol shetindegi jyraǵa túsip ketken.
Jol apaty saldarynan kóliktiń ishindegi úsh jolaýshy oqıǵa ornynda qaza tapqan, sonyń ekeýi bala. Júrgizýshi men taǵy úsh jolaýshy aýrýhanaǵa jetkizilgen.
Jazataıym oqıǵa deregi boıynsha QR Qylmystyq kodeksiniń 345-babynyń 4-bóligimen sotqa deıingi tergep-tekserý bastaldy.
