Qaraǵandy oblysyndaǵy Jambyl kenti taratylmaq

ASTANA. QazAqparat – Qaraǵandy oblysynyń Shet aýdanyna qarasty Jambyl kenti taratylýy múmkin, dep habarlaıdy QazAqparat tilshisi.

«Qaraǵandy oblysy Shet aýdanyndaǵy Jambyl kentiniń aýmaǵy Shet aýdany Kárim Myńbaev aýyldyq okrýginiń quramyna berile otyryp taratylsyn. Osy qaýlynyń jáne sheshimniń oryndalýyn baqylaý aýdandyq máslıhattyń turaqty komıssııasyna jáne ákim apparatynyń basshysy N.Tóleýqulovqa júktelsin», - delingen Ashyq NQA portalynda jarııalanǵan Shet aýdany ákimdiginiń qaýlysy men maslıhattyń birlesken sheshim-jobasynda.

Qujat 11 tamyzǵa deıin kópshilik talqylaýda bolady.

Qosa ketsek, buǵan deıin halyq sanynyń az bolýyna baılanysty Túrkistan oblysynyń Sozaq aýdanyndaǵy eki aýyl taratylatynyn jazyp edik.

Sondaı-aq Abaı oblysynyń Aıagóz aýdanyna qarasty eki aýyl taratylýy yqtımal.