Qaraǵandy oblysyndaǵy úsh aýyldyń kóshelerine jaryq shamdary ornatyldy

QARAǴANDY. QazAqparat - Buqar jyraýdyń 350 jyldyǵyna oraı Qaraǵandy oblysynyń Buqar jyraý aýdanynyń úsh eldi mekenindegi kóshelerge jańa jaryq shamdary ornatyldy, dep habarlaıdy QazAqparat tilshisi.

«Bizdiń aýylda jýyrda ǵana kóshelerdi jaryqtandyrý jumystary aıaqtaldy. Endi turǵyndar túnde de jaryq kóshemen júredi. Aýyl turǵyndary osy máseleniń oń sheshimin tapqanyna dán rıza», - deıdi Semiz buǵy kentiniń turǵyny Arman Abdýllın.

Buqar jyraý aýdany ákiminiń orynbasary Sapar Sataevtyń aıtýynsha, kóshelerge jaryq shamdary aýyl turǵyndarynyń suranysymen qoıylǵan.

Buǵan aýdan bıýdjetinen 5 mıllıon teńge mólsherinde qarajat jumsaldy.

Buqar jyraý, Shalqar, Semiz buǵy aýyldarynda jalpy 500-ge jýyq turǵyn bar. Aýyldardyń árbirinde birneshe ondaǵan turǵyn úı qalǵan. Eldi mekender aýdan ortalyǵy - Botaqara kentinen shyǵysqa qaraı shamamen 80 km qashyqtyqta ornalasqan.