Qaraǵandy oblysyndaǵy túrmelerde kitap oqıtyndarǵa jeńildik jasalady

QARAǴANDY. QazAqparat - Qaraǵandy oblysyndaǵy bas bostandyǵynan aıyrý mekemelerinde jazasyn ótep jatqan kitapqumar adamdarǵa jeńildik jasalady, dep habarlaıdy QazAqparat.

QR ІІM Qylmystyq atqarý júıesi departamenti (QAJD) baspasóz qyzmetiniń habarlaýynsha, óńirde jazasyn ótep jatqandar qazir shartty túrde merziminen bosatý jóninde ótinish berýdi kózdep otyr. Olardyń kópshiligi «Shekarasyz oqý» pılottyq jobasyna qatysqandar.

Bıylǵy jyldyń qańtar aıynda Qaraǵandy oblysy boıynsha QAJD mekemesinde «Shekarasyz oqý» pılottyq jobasy iske qosyldy. Onyń maqsaty sottalǵandardy oqý mádenıetine baýlý, qamaýda otyrǵandardyń saýatyn artyrý, sol arqyly olardyń túzelýine jaǵdaı jasaý jáne yntalandyrý bolyp tabylady.

Bıylǵy jyldyń 26 naýryzynda oblys boıynsha mekemelerde pılottyq jobany iske asyrý jónindegi komıssııalardyń birinshi otyrysy ótti. Quramyna mamandandyrylǵan prokýratýrai, qoǵamdyq baqylaý komıssııasynyń ókilderi, qazaq jáne orys ádebıetiniń oqytýshylary kirdi.

Qoǵamdyq tyńdaýdyń birinshi otyrysyna 48 sottalǵan qatysty. Pılottyq jobanyń sharttaryna sáıkes jazasyn óteýshiler usynylǵan kórkem ádebıet shyǵarmalaryn oqyp, qaıtalap, jeke áserleri, naqty oqylǵan kitapqa qatysty pikirleri bar esse usyndy, sonymen qatar qoıylǵan suraqtarǵa jaýap berdi. Komıssııa oqý mádenıetiniń dárejesin, onyń ishinde negizgi oıdy túsiný, bólip kórsetý, buryn oqylǵanmen salystyrý, jeke qasıetterdiń damýyn baǵalady.

«Qaraǵandy oblysy boıynsha QAJD basshylyǵyna atalmysh joba úshin alǵys aıtqym keledi. Sonyń arqasynda meniń múgedek jubaıym shartty túrde merziminen buryn bosatýǵa ótinish bermek», - dep habarlady AK-159/7 mekemesinde jazasyn ótep jatqan sottalýshynyń jubaıy.

Joba komıssııasy otyrysynyń qorytyndysy boıynsha 30-dan astam sottalǵan adam marapattaldy.