Qaraǵandy oblysyndaǵy tigin fabrıkasy erekshe maskalar tigýde
QARAǴANDY. QazAqparat – Qaraǵandy oblysyndaǵy Abaı qalasynyń tiginshileri «Ket, COVID-19!», «Denimiz saý bolsyn!» jáne basqa da erekshe jazýlary bar maskalar tigýde, dep habarlaıdy QazAqparat tilshisi.
Qıyn kezeńde óz-ózimizdi sabyrǵa keltirip, optımızmdi saqtaý óte mańyzdy. Abaı tigin fabrıkasynyń sheberleri jetekshileri Irına Malıýkpen birge osyndaı ustanymda.
Kásiporynnyń barlyq tiginshileri úıde otyrmaı, kóp ret qoldanylatyn maskalar daıyndaýda. Ol úshin dáke, shyt nemese bóz matasyn - bir sózben aıtqanda, 100% maqta matasyn qoldanady. Bul maskalardy jýýǵa jáne útikteýge bolady.
«Bizdiń tapsyrys berýshilerimiz - zaýyttar, qurylys kompanııalary, naýbaıhanalar, medıtsınalyq mekemeler, oblys turǵyndary. Betperdelerdi negizgi tapsyrystarmen qatar daıyndaımyz, sondyqtan olardyń sany az - kúnine 2 myń danadan 4 myńǵa deıin ǵana», - deıdi Irına Malıýk.
Óz-ózderiniń jáne basqalardyń kóńil-kúıin kóterý úshin fabrıkada aq nemese qara maska ǵana emes, kóńildi applıkatsııalar, keste, pozıtıvti jazýlar tige bastaǵan.
«Adamdar qaıyrymdy, sabyrly jáne jaqsy kóńil-kúıde bolýy úshin eńbek etip jatyrmyz», - deıdi tiginshiler.
