Qaraǵandy oblysyndaǵy sý tasqyny qaýpi seıildi
NUR-SULTAN. QazAqparat - QR ІІM Tótenshe jaǵdaılar komıteti Qaraǵandy oblysynyń sý tasqynynyń eń qaýipti kezeńinen ótkenin málimdedi, dep xabarlaıdy QazAqparat tilshisi.
Komıtet tóraǵasy Vladımır Bekkerdiń aıtýynsha, búgin saǵat 10:00-degi jaǵdaı boıynsha Yntymaq qoımasynan jiberiletin sýdyń kólemi sekýndyna 750 tekshe metrden 400-ge deıin azaıdy. Al Sherýbaı-Nura qoımasynda 487-den 256 tekshe metrge deıin qysqaryp otyr.
«Dál osy eki qoımadan Nura ózenine sý kóp keledi. Qazir ol jerde jiberiletin sýdyń mólsheri aıtarlyqtaı azaıdy. Bas kezinde eki qoımany birge sanaǵada sekýndyna 1 000 tekshe metrden astam sý jiberilip turdy. Qazir ol kórsetkish 656 tekshe metrge azaıyp otyr. Sondyqtan Nura ózeni boıyndaǵy jaǵdaı turaqtaldy deýge bolady. Al Qaraǵandy oblysy boıynsha sý tasqynynyń eń qaýipti kezeńi artta qaldy», - dedi V.Bekker Astanada ótken baspasóz máslıxatynda.
Aıta keteıik, búginde Aqmola oblysynda Jabaı men Kolýton ózenderiniń sýy kúrt kóterilip ketti. Al Soltústik Qazaqstan oblysynda eki aýyldyń turǵyndary óz úılerine qaıta bastady.
Illıýstratsııalyq foto
