Qaraǵandy oblysyndaǵy shahtalardyń birinde kenshi mert boldy
QARAǴANDY. QazAqparat – Ońtústik Jezqazǵan kenishiniń №45 shahtasynyń elektr dánekerlerýshisi taý-ken-shahtalyq kóliginiń astynda qalyp qoıdy, dep habarlaıdy QazAqparat tilshisi.
Óndiristegi jazataıym oqıǵa 235 shahtadaǵy №1 shtrekte bolǵan. Tergeý organdary atalǵan derek boıynsha tekserý jumystaryn júrgizip, taý-ken-shahtalyq kóliktiń júrgizýshisi jolyndaǵy jumysshyny qalaı baıqamaı qalǵanyn anyqtaý ústinde. Bul shahta «Qazaqmys korporatsııasy» JShS-ne tıesili.
«Jazataıym oqıǵa saldarynan 1973 jyly týǵan elektr dánekerleýshisi aýyr jaraqat alyp, kóz jumdy. «Qazaqmys» kompanııasynyń basshylyǵy men eńbek ujymy qaza bolǵan qyzmetkerdiń týǵan-týystaryna kóńil aıtady»,-dep habarlady kompanııanyń baspasóz qyzmeti.
