Qaraǵandy oblysyndaǵy shahtada japa shekkenderdiń sany 8 adamǵa jetti

QARAǴANDY. QazAqparat - Qaraǵandy oblysy Densaýlyq saqtaý basqarmasynyń málimetinshe, qazirgi sátte «Qazaqstan» shahtasyndaǵy órtten japa shekken 6 kenshi aýrýhanada jatyr, taǵy eki jumysshyny onda apara jatyr. Sonymen, barlyǵy 8 adam apattan zardap shekken, dep habaralıdy QazAqparat.

Buǵan deıin habarlanǵandaı, «ArselorMıttal Temirtaý» AQ Kómir departamentiniń «Qazaqstan» shahtasynda TJ nátıjesinde zardap shekken alty adam aýrýhanaǵa jatqyzyldy.

– «Qazaqstan» shahtasynda zardap shekken eki adam Maqajanov klınıkasyna jetkizildi. Qabyldaý bóliminiń dárigerleri naýqastardyń jaǵdaıyn tekserdi. Aldyn ala dıagnoz – shahta gazdarymen jedel ıngalıatsııalyq ýlaný, onyń ishinde aýyr kómirtegi totyǵymen ýlaný, toksıko-gıpoksııalyq entsefalopatııa, ýytty bronhıt. Olar reanımatsııa bólimshesine jatqyzyldy, – dedi toksıkologııa bólimshesiniń meńgerýshisi, Qaraǵandy oblysynyń bas shtattan tys toksıkology Sáýle Smaǵulova.

Sondaı-aq, buǵan deıin eki jumysshynyń denesi tabylǵanyn habarlaǵan edik.

«Eki jumysshy qaıtys boldy. Qalǵandary izdestirilip jatyr», - dedi oblys ákimdiginiń baspasóz hatshysy Marına Shapovalova.

Buǵan deıin bes kenshiniń áli tabylmaı jatqany týraly jazǵanbyz.

Aıta keteıik, buǵan deıin Qaraǵandy oblysynda shahta órtenip, 227 adam evakýatsııalanǵany týraly habarlaǵan edik.

Shahtadada 227 adam bolǵan. Shahtadan qaptal uńǵyma arqyly adamdar joǵary shyǵarylǵan.

Keıin órt kezinde 5 kenshiniń iz-tússiz qalǵany jáne 4 adam aýrýhanaǵa jetkizilgeni aıtyldy.

Aldyn ala málimetke sáıkes, qaýipsiz jerge shyǵarylǵan 13 adam bas aýrýy men jótelge shaǵymdanǵan. Qazirgi ýaqytta 4 adam, onyń ishinde ekeýi Shahtınsk qalasynyń ortalyq aýrýhanasyna, taǵy ekeýi oblystyq medıtsınalyq ortalyqqa jatqyzyldy.