Qaraǵandy oblysyndaǵy Shahan kentinde izdestirý-qutqarý jumystary aıaqtaldy
QARAǴANDY. QazAqparat - Qaraǵandy oblysynyń Shahan kentindegi qazandyqtyń jarylýy saldarynan qulaǵan kóp qabatty turǵyn úıdiń ornynda izdestirý-qutqarý jumystary aıaqtaldy, dep habarlaıdy oqıǵa ornyndaǵy "QazAqparat" HAA tilshisi.
"Shahandaǵy izdestirý-qutqarý jumystary aıaqtaldy. Zardap shekkenderdiń jalpy sany - 9 adam. Іz-tússiz joǵalǵandar joq", - dep málim etti oblys ákimdiginiń baspasóz qyzmeti. Ázirge belgilisi, bul kópqabatty úıde 118 turǵyn mekendegen, al TJ oryn alǵan kezde qulaǵan bólikte shamamen 30 adam bolǵan. Turǵyndardyń kóbisin týystary syrtqa shyǵaryp úlgergen. Sonymen qatar, baspanasyz qalǵandarǵa balabaqshanyń ǵımaratynda turýǵa múmkindik berildi.
Úıindilerdi tazartýǵa 280 adam jumyldyrylǵan , olardyń qatarynda qutqarýshylar, polıtsııa qyzmetkerleri, jergilikti atqarýshy organdar, jedel medıtsınalyq járdem brıgadasy, Ulttyq ulannyń 52859 áskerı bóliminiń aýyr tehnıkasy jáne jeke kásipkerler bar. 
Sonymen qatar, Qaraǵandy oblysy Shahtınsk qalasyna qarasty Shahan kentindegi turǵyn úıdiń qulaý oqıǵasyna qatysty Shahan kenti ákimdigi qasynan shuǵyl jeli ashyldy: 8 (72156) 3-24-17.
Eske sala keteıik, 1 qańtar kúni 22:40-ta Qaraǵandy oblysy TJD qutqarý bólimine Shahtınsk qalasyna qarasty Shahan kentindegi kópqabatty úıdiń bir bóligi opyrylyp túskeni týraly qońyraý shalynǵan . Oqıǵa ornyna shuǵyl túrde TJD qutqarýshylary jóneltilip, turǵyndar evakýatsııalandy . Áýeli 1 adamnyń máıiti úıindi astynan shyǵarylǵan bolatyn. Keıin ekinshi turǵynnyń denesi úıindi astynan tabyldy. 
