Qaraǵandy oblysyndaǵy sanıtarlyq beketterden ótý úshin PTR test talap etilmeıdi
QARAǴANDY. QazAqparat – Qaraǵandy oblysynyń bas memlekettik sanıtarlyq dárigeriniń qaýlysyna túzetý engizildi. Endi óńirde ornatylǵan úsh sanıtarlyq beketten ótý úshin PTR-test talap etilmeıdi, dep habarlaıdy QazAqparat tilshisi.
«Qaraǵandy oblysynyń Bas memlekettik sanıtarııalyq dárigeriniń «Qaraǵandy oblysynyń Bas memlekettik sanıtarııalyq dárigeriniń 2020 jylǵy 2 qarashadaǵy №41-q qaýlysyna ózgerister men tolyqtyrýlar engizý týraly» 03.11.2020j. №42-q qaýlysyna sáıkes Qaraǵandy oblysy aýmaǵyna/aýmaǵynan sanıtarııalyq beketter arqyly kirý/shyǵý kezinde propusk.kz saıtynda tirkeýden ótý qajet. Sonymen qatar sanıtarııalyq beketterden ótý (kirý/shyǵý) kezinde PTR test talap etilmeıtindigi týraly habarlaımyz», - dep málimdedi Qaraǵandy oblysynyń Taýarlar men qyzmetterdiń sapasy men qaýipsizdigin baqylaý departamentiniń baspasóz qyzmeti.
Esterińizge sala keteıik, osyǵan deıin Qaraǵandy oblysynda koronavırýs boıynsha epıdemıologııalyq jaǵdaıdy turaqtandyrý úshin 4 qarashada saǵat 00-de syrtqy shekaralarǵa kirýdi/shyǵýdy baqylaý úshin úsh sanıtarlyq beket jumysyn bastaıtyny týraly habarlanǵan bolatyn.
Elde aýrýdyń ósýine baılanysty aldyn alý sharasy retinde kelesi baǵyttar boıynsha sanıtarlyq beketter ornatý týraly sheshim qabyldandy:
1. Qyzylorda - Pavlodar a/j (Molodejnyı kenti mańynda);
2. Pavlodar - Baıanaýyl - Buqar jyraý-Qaraǵandy a/j (Úmitker kenti mańynda);
3. Qaraǵandy - Aıagóz - Buǵaz avtojolynyń 271-shi shaqyrymy, Semeı qalasy baǵytynda (Kentóbe kenti mańynda).
