Qaraǵandy oblysyndaǵy Samarqan sý qoımasynda eki adam qutqaryldy
QARAǴANDY. QazAqparat - Keshe Qaraǵandy oblysyndaǵy Samarqan sý qoımasynda eki adam qutqaryldy, dep habarlaıdy QazAqparat tilshisi.
14:20-da qalalyq jaǵajaı aýmaǵyndaǵy akvatorııany kúzetý kezinde Temirtaý qalasynyń qutqarý bólimshesiniń kezekshisi sý betinde qımylsyz jatqan adamdy kórip qalady. Jedel jetken qutqarýshylar men medbıke kelinshektiń es-tússiz jatqanyn anyqtaıdy. Ony jaǵalaýǵa shyǵaryp, alǵashqy medıtsınalyq kómek kórsetildi, sonan soń jedel medıtsınalyq járdem qyzmetkerlerine berildi.
Ekinshi oqıǵa keshke qaraı boldy. 18:45-te qutqarýshylarǵa «Kúngeı múıis» («Solnechnaıa lagýna») demalys aımaǵynda jas jigittiń sýǵa batyp bara jatqany týraly habar kelip túsedi. 18:53-te olar jigitti jaǵalaýǵa alyp shyqty. Oǵan medıtsınalyq kómek qajet bolmady. Qutqarýshylar jigitke sýdaǵy qaýipsizdik erejelerin saqtaý qajettigin eskertti.
