Qaraǵandy oblysyndaǵy ózenderde muz jarý jumystary júrgizilýde
QARAǴANDY. QazAqparat - Qaraǵandy oblysynda tasqyn sýlardy qaýipsiz ótkizý boıynsha is-sharalar úzdiksiz júrgizilýde, dep habarlaıdy QazAqparat tilshisi.
17 naýryzda Qarqaraly jáne Buqar jyraý aýdandarynda seń keptelisiniń aldyn alý maqsatynda Qarasor kólinde jáne Petrovka kenti mańynda Nura ózeninde muzdy jarý jumystary júrgizildi.
Oblystaǵy sý qoımalarda muzdy jarý jumystary 5 naýryzdan bastaldy. Basty jarý jumystar kópirlerde, bógetterde keptelisttiń aldyn alý jáne tasqyn sýdyń qaýipsiz ótýi úshin júrgizilip jatyr.
Jalpy muzdy jarý sharalary 20 aımaqta - Qarqaraly, Buqar jyraý, Abaı, Jańaarqa, Osakarov, Nura aýdandarynda jáne Qaraǵandy qalasynda júrgizý josparlanǵan.
Muzdy jarý Jarly, Ejebaı, Nura, Jaman-Sarysý, Qarǵaly, Úlkenqundyzdy, Sabyrqoja, Jaman, Qulanótpes, Solonka, Soqyr ózenderinde ótkiziledi.
