Qaraǵandy oblysyndaǵy órtten áıel kóz jumdy
NUR-SULTAN. QazAqparat - Qaraǵandy oblysy Osakarovka aýdanynda úı órtenip, 55 jastaǵy áıel kóz jumdy, dep habarlaıdy QazAqparat QR ІІM TJK baspasóz qyzmetine silteme jasap.
«Qaraǵandy oblysynyń Osakarovka kentinde 25 sáýir kúni saǵat 03:53 shamasynda órt sóndirý qyzmetine jeke úıdiń órtenip jatqany týraly habarlama kelip tústi. Jalpy 130 sharshy metr aýmaq órtengen. Órt sóndirý bólimsheleriniń kúshimen tilsiz jaý saǵat 06.30 kezinde sóndirildi», - dep habarlaıdy QR ІІM TJK baspasóz qyzmetinen.
Oqıǵa ornynan 1964 jylǵy áıeldiń denesi tabyldy.
Aldyn ala boljam boıynsha, órt elektr symynyń tuıyqtalýynan shyqqan. Órtti sóndirýge jeke quramnan 9 adam men 2 órt sóndirý tehnıkasy jumyldyryldy.
