Qaraǵandy oblysyndaǵy murajaıda tastan jasalǵan aıaq kıim saqtalǵan

QARAǴANDY OBLYSY. QazAqparat - Osakarov aýdanynyń murajaıynda tas aıaq kıim saqtalǵan. Aıaq kıimdi jergilikti turǵyndardyń biri jer aýdarylǵandar turǵan úıdi qazǵan kezde tapqan, dep habarlaıdy QazAqparat tilshisi.

Qaraǵandy oblysynyń Osakarov aýdanynda jappaı saıası qýǵyn-súrgin kezinde birqatar kentter paıda bolǵan. 1952 jyly №4 arnaıy kenti Tsentralnoe aýyly bolyp ózgertildi. Bul kentterde jer aýdarylǵan azamattardyń týystary áli de turyp jatyr. Olardyń jergilikti tarıhty erekeshe dáripteýi jerlesterimiz úshin maqtanysh sezimin týdyrady.

Tsentralnoe aýyly tek dombyra jasaǵan mýzyka sheberhanasymen ǵana emes, sonymen birge óz murajaıymen de tanymal. Atalǵan tarıhı zattar jalpy bilim beretin mektep qabyrǵasynda ornalasqan jáne kóptegen qyzyqty artefaktileri bar. Bul zattardyń barlyǵy bir kezderi aýyldyń negizin qalaýshylarǵa tıesili bolǵan. Munda nemis tilinde 1890 jyly jaryq kórgen Kıeli kitap, turmystyq zattar, sondaı-aq aýyldastardyń, maıdangerlerdiń, jaýynger-ınternatsıonalısterdiń jeke zattary saqtalǵan. Biraq eń

tańǵajaıyp jádiger - Kúl qyzdyń aıaq kıimine uqsas tas týflı.

Murajaı qyzmetkeriniń aıtýynsha, ol murajaıǵa kezdeısoq ákelingen. Aýyl turǵyndary eski úıdiń ornyn qazý keziede osy aıaq kıimdi taýyp alǵan. Ol qaıdan paıda boldy jáne qansha jyl buryn jasalǵany belgisiz. Múmkin, týflıdi ózderimen birge jer aýdarylǵandar alyp kelgen degen de boljam bar.