Qaraǵandy oblysyndaǵy Qurma qus fabrıkasy jylyna 8 mıllıon jumyrtqa óndiredi
QARAǴANDY. QazAqparat - Abaı aýdanyna jumys saparymen barǵan Qaraǵandy oblysynyń ákimi Nurmuhambet Ábdibekov «Agrofırma Qurma» JShS jumysymen tanysty, dep habarlady óńir basshysynyń baspasóz qyzmeti.
«Kásiporyn aq Kross Haıseks taýyqtarynan taýarlyq jáne tuqymdyq jumytqalar óndirýge mamandanǵan. Ondaǵy qus sany 42,2 myńǵa jetti, onyń ishinde jumyrtqa beretinder sany 17,3 myń. Jylyna 8 mıllıon ınkýbatorlyq jumyrtqa óndiriledi», - delingen habarlamada.
Kelesi baǵyt Aqbastaý aýylynyń mal dárigerlik pýnkti edi. N. Ábdibekov onda mal dárigeriniń kabınetin, preparattar men bıomaterıaldar saqtalatyn bólmeni aralady. 
