Qaraǵandy oblysyndaǵy kóktaıǵaq: 60 mashına jolda qalyp qoıdy
QARAǴANDY. QazAqparat - Qaraǵandy oblysynyń Spassk kenti mańynda, Almaty-Ekaterınbýrg kúre jolynyń asýynda 60 avtokólikten quralǵan birneshe shaqyrymdyq keptelis paıda boldy, dep habarlaıdy «QazAqparat» HAA tilshisi.
«Kepteliske turyp qalǵan avtokólikterdiń basym kópshiligi júk mashınalary, olar kóktaıǵaq jolmen asýǵa kóterile almaǵan. Onda «Qazavtojol» JShS jáne jergilikti polıtsııa qyzmeti bólimsheleri jumys júrgizýde. Adamdardy qaýipsiz jerge kóshirý jáne kómek kórsetý úshin arnaıy kólikpen tótenshe jaǵdaılar departamentiniń jedel-qutqarý jasaqtary bardy», - deıdi TJ jónindegi departamenttiń resmı ókili Janna Dáýrenbekova.
Budan tys, Jezqazǵannan 120 km qashyqtyqta Qaraǵandy-Jezqazǵan baǵytyn betke alyp shyqqan jolaýshylar avtobýsy toqtap tur. Júrgizýshi kóktaıǵaq saldarynan rýlge ıe bola almaı qalamyn ba dep qorqady. Ol jerge arnaıy kólikpen Qaraǵandy oblystyq TJD-niń №42 órt sóndirý bólimshesi jiberildi.
Eske sala ketsek , 24 jeltoqsan kúni keshkisin jedel qyzmetter kóliktiń barlyq túri úshin Qaraǵandy oblysyndaǵy barlyq baǵyttardy japqan bolatyn.
